ମା' ହେବେ ରେସଲର ବବିତା, ଫଟୋ ସେୟାର କରି ଫ୍ୟାନ୍ସକୁ ଦେଲେ ଖୁସି ଖବର

ଅନ୍ତର୍ଜାତୀୟ ରେସଲର ବବିତା ଫୋଗାଟଙ୍କ ଘରକୁ ଆସିବେ ନୂଆ ଅତିଥି । ଏହି ଖୁସି ଖବର ସେ ସୋସିଆଲ ମିଡିଆରେ ଫଟୋ ସେୟାର କରିଛନ୍ତି ।

ହାଇଦ୍ରାବାଦ: ଅନ୍ତର୍ଜାତୀୟ ରେସଲର ବବିତା ଫୋଗାଟ ମା' ହେବାକୁ ଯାଉଛନ୍ତି । ଏହି ଖୁସି ଖବର ସେ ସୋସିଆଲ ମିଡିଆରେ ଫଟୋ ସେୟାର କରିଛନ୍ତି । ନିଜର ଇନଷ୍ଟାଗ୍ରାମରେ ଘରକୁ ନୂଆ ଅତିଥି ଆସିବେ ବୋଲି ସୂଚନା ଦେଇଛନ୍ତି ।

ତେବେ ସେ ସେୟାର କରିଥିବା ଫଟୋରେ ସ୍ବାମୀ ବିବେକଙ୍କ ସହ ରହିଛନ୍ତି ।

ଗତ ଡିସେମ୍ବରରେ ବିବାହ ବନ୍ଧନରେ ଆବଦ୍ଧ ହୋଇଥିଲେ ଅନ୍ତର୍ଜାତୀୟ ରେସଲର ବବିତା ଫୋଗାଟ । ସେ ଭାରତୀୟ ରେସଲର ବିବେକ ସୁହାଗଙ୍କୁ ବିବାହ କରିଥିଲେ । ତେବେ ସେ ଭିନ୍ନ ଢଙ୍ଗରେ କରିଥିଲେ ବିବାହ । ସାତଟି ସ୍ଥାନରେ 8 ଫେରା ନେଇଥିଲେ । ଅଷ୍ଟମ ଫେରା ନାରୀ ସୁରକ୍ଷାକୁ ନେଇ କରିଥିବା ବବିତାଙ୍କ ପିତା ମହାବୀର ଫୋଗାଟ କହିଥିଲେ ।