ନୂଆଦିଲ୍ଲୀ: ଜାପାନରେ ଚାଲିଥିବା ମହିଳା ହକି ଜୁନିୟର ଏସିଆ କପରେ ଭାରତୀୟ ଦଳ ଦମଦାର ପ୍ରଦର୍ଶନ କରିଛି । ଅନ୍ତିମ ଲିଗ ମ୍ୟାଚରେ ଚାଇନିଜ ତାଇପେଇକୁ ହରାଇ ସେମିଫାଇନାଲରେ ପ୍ରବେଶ କରିଛି ଭାରତ । ଚାଇନିଜ ତାଇପେଇ ବିପକ୍ଷରେ 11-0 ବୃହତ ବିଜୟ ହାସଲ କରି ସେମି ଫାଇନାଲରେ ସ୍ଥାନ ପକ୍କା କରିଛି ଦଳ । ସେମିଫାଇନାଲରେ ଜାପାନକୁ ଭେଟିବ ଭାରତ । ଏହି ବିଜୟ ସହ ପୁଏ-ଏରେ ଶୀର୍ଷ ସ୍ଥାନରେ ରହିଛି ଟିମ ଇଣ୍ଡିଆ ।
ମ୍ୟାଚ ଆରମ୍ଭରୁ ଶେଷ ଯାଏଁ ଭାରତ ଆଧିପତ୍ୟ ବିସ୍ତାର କରିଥିଲା । ଗୋଲ ପରେ ଗୋଲ ବର୍ଷା କରିଥିଲା । ଭାରତୀୟ ଖେଳାଳିଙ୍କ ଆଟାକରେ ଗୋଲ କରିବାକୁ ସୁଯୋଗ ଖୋଜୁଥିବା ଚାଇନିଜ ତାଇପେଇ ବିଫଳ ହୋଇଥିବା । ଦଳ ଗୋଟିଏ ବି ଗୋଲ କରିପାରିନଥିଲା । ମ୍ୟାଚରେ ଅନୁ ଦଶମ ଓ 52 ମିନିଟରେ 2ଟି ଗୋଲ ସ୍କୋର କରିଥିଲେ । ବୈଷ୍ଣବୀ ବିଥାଲ ଫାଲକେ ପ୍ରଥମ, ଦୀପିକା ତୃତୀୟ ଓ ଋତୁଜା 12 ତମ, ନୀଲମ 19ତମ, ମଞ୍ଜୁ 33 ତମ, ଦୀପିକା 46ତମ ଏବଂ ମୁମତାଜ 55ତମ ମିନିଟରେ ଗୋଲ ସ୍କୋର କରିଥିଲେ ।
ସେହିପରି ଓଡିଶା ଖେଳାଳି ସୁନେଲିତା 43 ଓ 57 ମିନିଟରେ ଡବଲ ଗୋଲ କରିଥିଲେ । ଗୋଲ ପରିଶୋଧ କରିବାକୁ ପ୍ରାଣମୂର୍ଚ୍ଛା ଉଦ୍ୟମ କରିଥିଲା ଚାଇନିଜ ତାଇପେଇ ମାତ୍ର ସଫଳ ହୋଇନଥିଲା । ପୁଲି-ବିର ଏକ ମ୍ୟାଚରେ ଜାପାନ କାଜାଖସ୍ତାନକୁ 8-0ରେ ହରାଇ ସେମିଫାଇନାଲରେ ପ୍ରବେଶ କରିଛି । ଭାରତ ସେମି ସମରରେ ଜାପାନକୁ ଭେଟିବ ।