ନୂଆଦିଲ୍ଲୀ: ଆଗାମୀ ଟୋକିଓ ଅଲମ୍ପିକ୍ସରେ ଭଲ ପ୍ରଦର୍ଶନ ପାଇଁ ସମସ୍ତ ପ୍ରସ୍ତୁତି କରୁଥିବା କହିଛନ୍ତି ଭାରତୀୟ ସଟପୁଟ୍ ଥ୍ରୋ ଖେଳାଳି ତାଜିନ୍ଦରପାଲ ସିଂହ ତୁର୍ । ସୋମବାର ଟୋକିଓ ଅଲମ୍ପିକ ଟିକେଟ ହାସଲ କରିଛନ୍ତି ତାଜିନ୍ଦର ।
ସୋମବାର ଇଣ୍ଡିଆନ ଗ୍ରାଣ୍ଡପ୍ରିକ୍ସରେ ତାଜିନ୍ଦର ନିଜର ନ୍ୟାସନାଲ ରେକର୍ଡକୁ ଦୁଇଥର ଅତିକ୍ରମ କରିଥିଲେ । ଏଥିସହ 21.49 ମିଟର ଫିଙ୍ଗି ଅଲମ୍ପିକ ଯୋଗ୍ୟତା ଅର୍ଜନ ମାର୍କ ହାସଲ କରିଥିଲେ ଓ ନିଜର ପୂର୍ବ ନ୍ୟାସନାଲ ରେକର୍ଡ ଭାଙ୍ଗିଥିଲେ । ଅଲମ୍ପିକ ଯୋଗ୍ୟତା ଅର୍ଜନ ମାର୍କ ଥିଲା 21.10 ମିଟର ।