ମୁମ୍ବାଇ: କ୍ରୀଡା ପ୍ରେମୀଙ୍କ ପାଇଁ ଖୁସି ଖବର । ନିଜର ପ୍ରିୟ ଖେଳାଳିମାନଙ୍କ ଦମ୍ଦାର ପ୍ରଦର୍ଶନ ଗ୍ରାଉଣ୍ଡରେ ଦେଖିଥାନ୍ତି । ଏବେ କେବିସିର 'କର୍ମବୀର' ଏପିସୋଡରେ ଖେଳାଳିମାନଙ୍କ ଜଲଓ୍ବା ଦେଖିବାକୁ ମିଳିବ ।
ଶୋର ଏକ ଖାସ୍ ଏପିସୋଡ ପ୍ଲେୟାରମାନଙ୍କ ସହ ସୁଟ୍ କରାଯାଇଛି । ଯାହାର ଫଟୋ ବିଗ ବି ସେୟାର କରିଛନ୍ତି । ସେହି ଫଟୋରେ କ୍ରିକେଟର ବିରେନ୍ଦ୍ର ସେଓ୍ବାଗ, ଧାବିକା ହିମା ଦାସ ଓ ଦୂତୀ ଚାନ୍ଦଙ୍କୁ ଦେଖିବାକୁ ମିଳୁଛି ।
କେବିସିରେ ଖେଳାଳିଙ୍କ ମେଳି
କେବିସିର 'କର୍ମବୀର' ଏପିସୋଡରେ ବିରେନ୍ଦ୍ର ସେଓ୍ବାଗ, ଧାବିକା ହିମା ଦାସ ଓ ଦୂତୀ ଚାନ୍ଦ । ସେହି ସ୍ପେସିଆଲ ଏପିସୋଡର ଫଟୋ ସେୟାର କରିଛନ୍ତି ବିଗ ବି।
kbc
ତେବେ ଏନେଇ ଦୌଡରାଣୀ ଦୂତୀ ଚାନ୍ଦ ଟ୍ବିଟ କରିଛନ୍ତି । ସେ କହିଛନ୍ତି ଯେ, ବଲିଉଡର ସେହନ୍ସା ଅମିତାଭ ବଚ୍ଚନଙ୍କ ସହ ଷ୍ଟେଜ ସେୟାର କରିବା ବଡ ଗର୍ବର କଥା । କର୍ମବୀର ଏପିସୋଡ ପାଇଁ ସୋନି ଚ୍ୟାନେଲ ମତେ ଡାକିଥିବାରୁ ବହୁତ ବହୁତ ଧନ୍ୟବାଦ । ଅମିତାଭଙ୍କ ଠାରୁ ବହୁତ କିଛି ଶିଖିବାକୁ ମିଳିଛି ।
ସେହିପରି ସୁନା ଝିଅ ହିମା ଦାସ ମଧ୍ୟ ଟ୍ବିଟ କରି ନିଜର ଖୁସି ବ୍ୟକ୍ତ କରିଛନ୍ତି । ସେ କହିଛନ୍ତି ଯେ, କୌନ ବନେଗା କରୋଡପତିରେ ଖେଳି ନିଜକୁ ଗର୍ବିତ ମନେ କରୁଛି । ବଲିଉଡ ସୁପରଷ୍ଟାର ଅମିତାଭ ସାର୍ଙ୍କ ସହ ନଜାଫଗଡର ନବାବ ଓ ଦୂତୀ ଚାନ୍ଦଙ୍କ ବହୁତ ମଜା ଆସିଛି । ଅମିତାଭ ସାର ଓ ବୀରୁ ସାରଙ୍କ ଠାରୁ ବହୁତ କିଛି ଶିଖିବାକୁ ମିଳିଛି ।