ନୂଆଦିଲ୍ଲୀ: ଆମେରିକାରେ ଫସିଲେ ଅଲମ୍ପିକ ଆଶାବାଦୀ ଭାରତୀୟ ବକ୍ସର ବିକାଶ କ୍ରୀଷନଙ୍କ କୋଚ । ୟୁଏସରେ ନୂଆ ଭିସା କଟକଣା ଯୋଗୁଁ ଭାରତ ଫେରିବାକୁ ଅସମର୍ଥ ହୋଇଛନ୍ତି ରନ ସିମସ ଜୁନିୟର । ଫଳରେ ବୈଦେଶିକ ମନ୍ତ୍ରୀ ଏସ. ଜୟଶଙ୍କରଙ୍କୁ ଟ୍ବିଟ ଯୋଗେ ସହାୟତା ପାଇଁ ଅନୁରୋଧ କରିଛନ୍ତି ବକ୍ସର କ୍ରୀଷନ ।
କ୍ରୀଷନ ଟ୍ବିଟରେ ଲେଖିଛନ୍ତି," ମୋର କୋଚ ୟୁଏସରେ ଫସିରହିଛନ୍ତି, ନୂଆ ଭିସା ନିୟମ ଯୋଗୁଁ ଭାରତ ଫେରିବାକୁ ଅସମର୍ଥ । ଟୋକିଓ ଅଲମ୍ପିକ୍ସ ପ୍ରସ୍ତୁତି ଦୃଷ୍ଟିରୁ ଅଭ୍ୟାସ ପାଇଁ ତାଙ୍କର ଉପସ୍ଥିତି ନିତାନ୍ତ ଆବଶ୍ୟକ । ଭାରତ ପାଇଁ ମୁଁ ଅଲମ୍ପିକ ଗୋଲ୍ଡ ଜିତିବାକୁ ଲକ୍ଷ୍ୟ ରଖିଛି । ଦୟାକରି ସାହାଯ୍ୟ କରନ୍ତୁ ।"
ଭାରତୀୟ କ୍ରୀଡା ପ୍ରାଧୀକରଣ(SAI) ଗତ ସେପ୍ଟେମ୍ବରରେ କ୍ରୀଷନଙ୍କୁ ଟୋକିଓ ଅଲମ୍ପିକ୍ସ ପ୍ରସ୍ତୁତି ପାଇଁ ୟୁଏସରେ ଅଭ୍ୟାସ କରିବାକୁ ଅନୁମତି ପ୍ରଦାନ କରିଥିଲା ।