ନୂଆଦିଲ୍ଲୀ: ଭେଟେରାନ ଭାରତୀୟ ଟେବୁଲ ଟେନିସ ଖେଳାଳି ମୋଉମା ଦାସ ମଙ୍ଗଳବାର 'ପଦ୍ମଶ୍ରୀ' ସମ୍ମାନରେ ସମ୍ମାନିତ ହୋଇଛନ୍ତି । ଭାରତର ରାଷ୍ଟ୍ରପତି ରାମନାଥ କୋବିନ୍ଦ ରାଷ୍ଟ୍ରପତି ଭବନରେ ମୋଉମା ଦାସଙ୍କୁ ଏହି ସମ୍ମାନ ପ୍ରଦାନ କରିଛନ୍ତି ।
ସୋମବାର ଅଲମ୍ପିଆନ ବ୍ୟାଡମିଣ୍ଟନ ଖେଳାଳି ପିଭି ସିନ୍ଧୁ ପଦ୍ମଭୁଷଣ ଓ ଭାରତୀୟ ମହିଳା ହକି ଟିମ କ୍ୟାପେଟନ ରାନୀ ରାମପାଲଙ୍କୁ ପଦ୍ମଶ୍ରୀ ପୁରସ୍କାର ୨୦୨୦ରେ ସମ୍ମାନିତ କରାଯାଇଛି ।
ଚଳିତ ବର୍ଷ ଟୋକିଓ ଅଲମ୍ପିକ୍ ୨୦୨୦ରେ ରାନୀ ରାମପାଲ ଭାରତୀୟ ମହିଳା ହକି ଟିମର ନେତୃତ୍ବ ନେଇଥିଲେ ।
ଗଣତନ୍ତ୍ର ଦିବସ ପୂର୍ବରୁ ପ୍ରତିବର୍ଷ ଏହି ପୁରସ୍କାର ଘୋଷଣା କରାଯାଇଥାଏ । ତେବେ COVID-19 ମହାମାରୀ ପାଇଁ ପୁରସ୍କାର ବିତରଣ ଉତ୍ସବ ପ୍ରଭାବିତ ହୋଇଥିଲା ।
ତିନୋଟି ବର୍ଗରେ ଏହି ପୁରସ୍କାର ପ୍ରଦାନ କରାଯାଇଥାଏ- ପଦ୍ମ ବିଭୁଷଣ(ଅସାଧାରଣ ଏବଂ ବିଶିଷ୍ଟ ସେବା), ପଦ୍ମ ଭୁଷଣ(ଉଚ୍ଚ କ୍ରମର ବିଶିଷ୍ଟ ସେବା) ଓ ପଦ୍ମଶ୍ରୀ(ବିଶିଷ୍ଟ ସେବା) ।
ଚଳିତ ବର୍ଷ ୧୧୯ଜଣଙ୍କୁ ସମାଜସେବାରେ ଉଲ୍ଲେଖନୀୟ ଅବଦାନ ପାଇଁ ପଦ୍ମଶ୍ରୀ ସମ୍ମାନ ରାଷ୍ଟ୍ରପତିଙ୍କ ଦ୍ବାରା ପ୍ରଦାନ କରାଯାଇଛି । ତାଲିକାରେ ୭ଜଣ ପଦ୍ମବିଭୁଷଣ ଓ ୧୦ଜଣଙ୍କୁ ପଦ୍ମଭୁଷଣ ଓ ୧୦୨ଜଣଙ୍କୁ ପଦ୍ମଶ୍ରୀ ପୁରସ୍କାର ବିଜେତା ରହିଛନ୍ତି । ସମ୍ମାନିତ ହୋଇଥିବା ବ୍ୟକ୍ତିବିଶେଷଙ୍କ ମଧ୍ୟରେ ୨୯ଜଣ ମହିଳା, 16ଜଣ ମରଣୋତ୍ତର ଓ ଜଣେ ତୃତୀୟଲିଙ୍ଗୀ ରହିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
