କାଠମାଣ୍ଡୁ:19 ବର୍ଷରୁ କମ ସାଫ ଚମ୍ପିଆନସିପରେ ବିଜୟରୁ ଅଭିଯାନ ଆରମ୍ଭ କରିଛି ଭାରତ । ବାଂଲାଦେଶ ବିପକ୍ଷରେ ଖେଳିଥିବା ପ୍ରଥମ ମ୍ୟାଚ୍ରେ ଏକ ସହଜ ବିଜୟ ହାସଲ କରିଛି ଦଳ । ଦଶରଥ ଷ୍ଟାଡିୟମରେ ଖେଳାଯାଇଥିବା ମ୍ୟାଚରେ ଭାରତ ବାଂଲାଦେଶକୁ 3-0 ଗୋଲରେ ପରାସ୍ତ କରିଛି । ଭାରତ ପକ୍ଷରୁ ଜି ଗୋୟାରୀ, ନାଓବା ମୈତି ଓ ଅର୍ଜୁନ ସିଂ ଗୋଟିଏ ଲେଖାଏଁ ଗୋଲ କରିଥିଲେ । ବାଂଲାଦେଶ ଖାତା ବି ଖୋଲି ପାରି ନଥିଲା ।
ଭାରତ ଓ ବାଂଲାଦେଶ ମଧ୍ୟରେ ଖେଳାଯାଇଥିବା ମ୍ୟାଚରେ ଭାରତ ଆରମ୍ଭରୁ ଶେଷ ଯାଏଁ ଆଧିପାତ୍ୟ ବିସ୍ତାର କରିଥିଲା । ଭାରତ ପକ୍ଷରୁ ଜି ଗୋୟାରୀ, ନାଓବା ମୈତି ଓ ଅର୍ଜୁନ ସିଂ ଗୋଟିଏ ଲେଖାଏଁ ଗୋଲ କରିଥିଲେ । ଖେଳର ପ୍ରଥମ ମିନିଟରେ ପ୍ରଥମ ଗୋଲ ସ୍କୋର କରିଥିଲା ଭାରତ । ଜି ଗୋୟାରୀ ଏହି ଗୋଲ୍ କରିଥିଲେ । ପ୍ରଥମାର୍ଦ୍ଧ ଟାଇମ (45+5) ନାଓବା ମୈତି ଦ୍ବିତୀୟ ଗୋଲ ଦେଇ ଭାରତକୁ 2-0ରେ ଆଗୁଆ କରିଥିଲେ । ପୁଣି 90ତମ ମିନିଟରେ ଅର୍ଜୁନ ସିଂ ତୃତୀୟ ଗୋଲ କରିଥିଲେ । ବାଂଲାଦେଶ ଶେଷ ଯାଏଁ ଖାତା ଖୋଲି ପାରି ନଥିଲା । 3-0 ଗୋଲରେ ଅଗ୍ରଣୀ ଭାରତ ମ୍ୟାଚକୁ ଜିତି ନେଇଥିଲା ।
ଏହା ବି ପଢନ୍ତୁ...Asian Games: ନିର୍ଣ୍ଣାୟକ କ୍ଷଣରେ ଛେତ୍ରୀଙ୍କ ଗୋଲ, ବାଂଲାଦେଶକୁ ହରାଇଲା ଭାରତ