ନୂଆଦିଲ୍ଲୀ: ଆଗାମୀ ଟୋକିଓ ୨୦୨୦ ଗ୍ରୀଷ୍ମକାଳୀନ ପାରାଲମ୍ପିକ୍ ପାଇଁ ଭାରତୀୟ ଟିମ ପ୍ରସ୍ତୁତ । ଅଗଷ୍ଟ ୨୪ରୁ ସେପ୍ଟେମ୍ବର ପର୍ଯ୍ୟନ୍ତ ଏହି ମେଗା ପ୍ରତିଯୋଗିତା ଖେଳାଯିବ । ଭେଟେରାନ ଟେବୁଲ ଟେନିସ ଖେଳାଳି ସରଥ କମଲ ଭାରତୀୟ ପାରାଲମ୍ପିକ୍ସ ଟିମକୁ ଶୁଭେଚ୍ଛା ଜଣାଇଛନ୍ତି ।
ଚଳିତ ଥର ଭାରତ ଏକ ବୃହତ ପାରାଲମ୍ପିକ୍ ଟିମ ପଠାଉଛି । ମୋଟ ୯ଟି ଭିନ୍ନ ପ୍ରତିଯୋଗିତାରେ ୫୪ ଜଣ ଭାରତୀୟ ଖେଳାଳି ଅଂଶଗ୍ରହଣ କରିବେ । ଜାଭେଲିନରେ ଷ୍ଟାର ଖେଳାଳି ସୁମିତ ଅନ୍ତିଲ ଓ ସନ୍ଦୀପ ଚୌଧୁରୀ ଆକ୍ସନରେ ନଜର ଆସିବେ । ସେହିପରି ସୁଟିଂରେ ମନୀଷ ନରୱାଲ(୧୦ମିଟର ଏୟାର ପିସ୍ତାଲ), ସିଂହରାଜ(୧୦ ମିଟର ଏୟାର ପିସ୍ତଲ), ଆଭାନି ଲେଖାରା(୧୦ ମିଟର ଏୟାର ରାଇଫଲ, ୫୦ ମିଟର ଏୟାର ରାଇଫଲ) ନଜର ଆସିବେ । ହାଇ ଜମ୍ପ୍ରେ ମାରିୟାପ୍ପନ ଥାଙ୍ଗାଭେଲ୍ଲୁଙ୍କୁ ମଧ୍ୟ ଦେଖିବାକୁ ମିଳିବ ।