ଟୋକିଓ: ପୁଣି ନିରାଶ କଲେ ଦୂତୀ । ୨୦୦ମିଟର ରାଉଣ୍ଡ ୪(ହିଟ୍ସ)ରେ ଦୌଡିଥିଲେ ଓଡିଆ ଧାବିକା ଦୂତୀ ଚାନ୍ଦ । ତେବେ ଯୋଗ୍ୟତା ଅର୍ଜନ କରିପାରିଲେନି ଦୂତୀ । ୨୩.୦୦ ସେକେଣ୍ଡରେ ୨୦୦ ମିଟର ରାଉଣ୍ଡ ୪(ହିଟ୍ସ)ରେ ଦୂତୀ ସପ୍ତମ ସ୍ଥାନରେ ରହି ଦୌଡ ଶେଷ କରିଛନ୍ତି । ଏହି ଫଳାଫଳ ସହ ସେ ସେମିଫାଇନାଲ ଟିକେଟ ହାସଲ କରିବାରେ ବିଫଳ ହୋଇଛନ୍ତି ।
୧୦୦ମିଟର ଦୌଡରେ ହାରିବା ପରେ ୨୦୦ମିଟରରେ କିଛି କମାଲ କରିବେ ବୋଲି ଆଶା ଥିଲା । ହେଲେ ତାହା ଏକ ପ୍ରକାର ମଉଳି ଯାଇଛି । ୨୨.୧୧ସେକେଣ୍ଡରେ ଦୌଡି ନାମିବିଆର କ୍ରିଷ୍ଟାଇନ୍ ବୋମା ପ୍ରଥମ ସ୍ଥାନରେ ରହିଛନ୍ତି । ଏହା ସହିତ ୨୨.୨୦ ସେକେଣ୍ଡ ସମୟ ନେଇ ଆମେରିକାର ଗ୍ରାହଏଲ ଥୋମାସ ଦ୍ବିତୀୟ ସ୍ଥାନରେ ରହିଛନ୍ତି ।