ନୂଆଦିଲ୍ଲୀ:ଟୋକିଓ ଅଲମ୍ପିକ୍ସକୁ ଆଉ ମାତ୍ର କିଛି ଘଣ୍ଟା ବାକିଥିବାବେଳେ ଭାରତୀୟ ଅଲମ୍ପିକ ଆସୋସିଏସନ(IOA)ର ବଡ ଘୋଷଣା । ଟୋକିଓ ୨୦୨୦ ଖେଳରେ ପଦକ ବିଜେତା ଖେଳାଳିଙ୍କ ପାଇଁ ପୁରସ୍କାର ରାଶି ଘୋଷଣା କରିଛି ସଂଘ । ଜାପାନର ରାଜଧାନାୀ ଟୋକିଓରେ ଜୁଲାଇ ୨୩(ଶୁକ୍ରବାର)ରୁ ଅଗଷ୍ଟ ୮ ପର୍ଯ୍ୟନ୍ତ ଅଲମ୍ପିକ ଖେଳାଯିବା ନେଇ ସୂଚୀ ରହିଛି ।
ଟୋକିଓ ଅଲମ୍ପିକ୍ସରେ ଭାରତୀୟ ଅଲମ୍ପିକ ଟିମର ଆଥଲେଟ୍ସଙ୍କୁ ଉତ୍ସାହିତ କରିବାକୁ IOA ଆର୍ଥିକ ପୁରସ୍କାର ଘୋଷଣା କରିଛି । ସ୍ବର୍ଣ୍ଣ ପଦକ ବିଜେତାଙ୍କୁ ୭୫ ଲକ୍ଷ, ରୌପ୍ୟ ବିଜେତାଙ୍କୁ ୪୦ ଲକ୍ଷ ଓ ବ୍ରୋଞ୍ଜ ପଦକ ବିଜେତା ଖେଳାଳିଙ୍କୁ ୨୫ ଲକ୍ଷ ପୁରସ୍କାର ଦେବ ଅଲମ୍ପିକ ସଂଘ ।
ଏଥିସହ ଟୋକିଓ ଅଲମ୍ପିକ୍ସରେ ଦେଶର ପ୍ରତିନିଧିତ୍ବ କରିଥିବା ସମସ୍ତ ଆଥଲେଟ୍ଙ୍କୁ ୧ ଲକ୍ଷ ଲେଖାଏଁ ଦେବ ଭାରତୀୟ ଅଲମ୍ପିକ ଆସୋସିଏସନ ।