ଟୋକିଓ:ତୀରନ୍ଦାଜରେ ଭାରତର ଦମଦାର ବିଜୟ । ରୋମାଞ୍ଚକର ମ୍ୟାଚ୍ରେ ତୀରନ୍ଦାଜ ତାରକା ଅତନୁ ଦାସ କୋରିଆର ଜିନହେକଙ୍କୁ ହରାଇଛନ୍ତି । ପୁରୁଷ ବ୍ୟକ୍ତିଗତ ତୀରନ୍ଦାଜ ଇଭେଣ୍ଟର ୧/୮ ଏଲିମିନେସନ ରାଉଣ୍ଡ ମ୍ୟାଚ୍ ଅତି ସଂଘର୍ଷପୂର୍ଣ୍ଣ ହୋଇଥିଲା । ଶେଷ ସଟ୍ ପର୍ଯ୍ୟନ୍ତ ପ୍ରତିନ୍ଦ୍ବନ୍ଦ୍ବୀତା ରୋମାଞ୍ଚକର ହୋଇଥିଲା, ମାତ୍ର ଭାରତୀୟ ଷ୍ଟାର ଅତନୁ ବିଜୟ ସହ ପରବର୍ତ୍ତୀ ରାଉଣ୍ଡକୁ ଉନ୍ନୀତ ହୋଇଛନ୍ତି ।
ମ୍ୟାଚ୍ ଆରମ୍ଭରୁ କୋରିଆ ଖେଳାଳି ୮-୯-୯ ପଏଣ୍ଟ ସହ ଭଲ ଆରମ୍ଭ କରିଥିଲେ ଓ ଜବାବରେ ଅତନୁଙ୍କ ଜବାବ ଥିଲା ୮-୮-୯ । ଦ୍ବିତୀୟ ସେଟ୍ରେ ୩ଟି ୯ଟି ସହ ଦମ ଦେଖାଇଥିଲେ ଅତନୁ । ତୃତୀୟ ସେଟ୍ରେ ଜିନହେକଙ୍କ ସ୍କୋର ୮-୧୦-୯ ରହିଥିଲା ଓ ଜବାବରେ ୮-୯-୧୦ ପଏଣ୍ଟ ହାସଲ କରିଥିଲେ ଭାରତୀୟ ଖେଳାଳି । ପ୍ରତି ଜବାବରେ କୋରିଆ ଖେଳାଳି ୯-୮-୬ ପଏଣ୍ଟ ହାସଲ କରିବା ପରେ ମ୍ୟାଚ୍ ନିର୍ଣ୍ଣାୟକ ସେଟ୍କୁ ଯାଇଥିଲା ।