ବେଜିଙ୍ଗ: କୋରୋନା ପରେ ନଭେମ୍ବରରୁ ଆରମ୍ଭ ହେବ ଅନ୍ତର୍ଜାତୀୟ ଟେବୁଲ ଟେନିସ । ଚୀନରେ ଖେଳାଯିବ ପୁରୁଷ ଓ ମହିଳା ବିଶ୍ବକପ । ଏହାସହ ଆଇଟିଟିଏଫ୍ ଫାଇନାଲ ମଧ୍ୟ ଚୀନରେ ଖେଳାଯିବ ବୋଲି ଅନ୍ତର୍ଜାତାୟ ଟେବୁଲ ଟେନିସ ଫେଡେରେସନ (ITTF) ପକ୍ଷରୁ ସୂଚନା ଦିଆଯାଇଛି ।
କୋରୋନା ମହାମାରୀ କାରଣରୁ ପ୍ରାୟ 6 ମାସ ହେଲା ଟେବୁଲ ଟେନିସର ସମସ୍ତ କାର୍ଯ୍ୟକଳାପ ବନ୍ଦ କରି ଦିଆଯାଇଥିଲା ।
ଟେବୁଲ ଟେନିସର ପୁନଃ ଆରମ୍ଭକୁ #RESTART କୁହାଯାଉଥିବାବେଳେ ଏହି ଯୋଜନାରେ ନଭେମ୍ବର 2020 ପାଇଁ ଧାର୍ଯ୍ୟ ହୋଇଥିବା ଏକ ବିଶେଷ ସିରିଜ ପ୍ରଦର୍ଶିତ ହେବ । ଏହାଦ୍ବାରା ଖେଳାଳିଙ୍କ ପାଇଁ ଜାତୀୟରୁ ଆନ୍ତର୍ଜାତୀୟ କାର୍ଯ୍ୟକଳାପକୁ ସୁଗମ ପରିବର୍ତ୍ତନକୁ ସୁନିଶ୍ଚିତ କରିବା ପାଇଁ ଏକ ଆଞ୍ଚଳିକ ଆଭିମୁଖ୍ୟରେ କାର୍ଯ୍ୟ କରିବ ବୋଲି ଜିନହୁଆ ନ୍ୟୁଜ୍ ଏଜେନ୍ସି ରିପୋର୍ଟ କରିଛି ।