ବାସେଲ(ସ୍ବିଜରଲାଣ୍ଡ): ଭାରତୀୟ ସର୍ଟଲର ସାଇନା ନେହୱାଲ ବୁଧବାର ଚଳିତ ସୁଇସ ଓପନ ବ୍ୟାଡମିଣ୍ଟନର ଦ୍ବିତୀୟ ରାଉଣ୍ଡରେ ପ୍ରବେଶ କରିଛନ୍ତି । କୋର୍ଟ ନମ୍ବର ୨ରେ ଖେଳିଥିବା ସାଇନା ସ୍ପେନର ୟାଲି ହୋୟାକ୍ସଙ୍କୁ ସିଧାସଳଖ ସେଟ୍ରେ ୨୧-୮, ୨୧-୧୩ରେ ହରାଇଛନ୍ତି । ଏହି ମ୍ୟାଚ୍ ୩୧ ମିନିଟ୍ ଧରି ଖେଳାଯାଇଥିଲା ।
ସାଇନାଙ୍କ ବ୍ୟତୀତ ସର୍ଟଲର ପାରୁପଲ୍ଲୀ କଶ୍ୟପ ମଧ୍ୟ ପୁରୁଷ ସିଙ୍ଗଲ୍ସ ପ୍ରଥମ ରାଉଣ୍ଡ ମ୍ୟାଚ୍ରେ ବିଜୟ ହେବାସହ ଦ୍ବିତୀୟ ରାଉଣ୍ଡକୁ ଉନ୍ନୀତ ହୋଇଛନ୍ତି । କଶ୍ୟପ ଫ୍ରାନ୍ସର ଏନଗୋଟ ରୟଙ୍କୁ ୨୧-୧୭, ୨୧-୯ ସିଧାସଳଖ ସେଟ୍ରେ ହରାଇଛନ୍ତି ।