ଆଗ୍ରା: ସ୍ଥାନୀୟ ଘୋଷି ଅଞ୍ଚଳରେ ଜଣେ ରାଜ୍ୟ ସ୍ତରୀୟ ବ୍ୟାଡମିଣ୍ଟନ ଖେଳାଳି ପଡୋଶୀଙ୍କ ନିର୍ଯାତାନାର ଶିକାର ହୋଇଥିବା ଅଭିଯୋଗ ହୋଇଛି । 21 ବର୍ଷୀୟ ମହିଳା ବ୍ୟାଡମିଣ୍ଟନ ଖେଳାଳି ଜଣଙ୍କ ଜାତୀୟ ସ୍ତରରେ ଉତ୍ତରପ୍ରଦେଶକୁ ପ୍ରତିନିଧିତ୍ୱ କରିଛନ୍ତି ।
ବ୍ୟାୟାମ ପରେ ସକାଳ ପ୍ରାୟ 9.30ରେ ଶୋଇଥିବା ବେଳେ, ଘରେ କେହି ନଥିବାର ସୁଯୋଗ ଉଠାଇ ପଡୋଶୀ ବିନୋଦ ଘର ଭିତରକୁ ଆସିଥିଲେ । ପରେ ତାଙ୍କୁ ଖରାପ ଭାବେ ଛୁଇଁବାକୁ ଚେଷ୍ଟା କରିଥିଲେ । ଏଥିରେ ବାଧା ଦେବାରୁ ଖରାପ ବ୍ୟବହାର ସହ ଗାଳିଗୁଲଜ କରିଥିବା ଆଥଲେଟ ଜଣଙ୍କ ଗଣମାଧ୍ୟମ ପ୍ରତିନିଧିକୁ କହିଛନ୍ତି ।
ଏହି ଘଟଣା ଦୁଇ ଦିନ ପୂର୍ବରୁ ଘଟିଥିଲା । ମାତ୍ର ଆଗ୍ରାର ସିନିୟର ଏସପି(SSP) ବବଲୁ କୁମାର ଜାଣିବା ପରେ ମାମଲା ଦାୟର ହୋଇଥିଲା ।
ପୀଡିତାଙ୍କ କହିବା ଅନୁଯାୟୀ, "ଘଟଣା ଘଟିବା ସମୟରେ ଘରେ କେହି ନଥିଲେ । ତାଙ୍କର ସାନ ଭାଇ ଘର ଠାରୁ କିଛି ଦୂରରେ ଥିଲେ । ଚିତ୍କାର ଶୁଣି ଆସି ଉଦ୍ଧାର କରିଥିଲେ ।