ନୂଆଦିଲ୍ଲୀ: କେନ୍ଦ୍ର କ୍ରୀଡ଼ା ମନ୍ତ୍ରୀ କିରଣ ରିଜିଜୁ ନୂଆଦିଲ୍ଲୀରେ ବୁଧବାର ଟୋକିଓ ଅଲମ୍ପିକ ପାଇଁ ଭାରତୀୟ ଅଲମ୍ପିକ ଟିମର ଅଫିସିଆଲ ଥିମ୍ ଗୀତ ଲୋକାର୍ପିତ କରିଛନ୍ତି । ଏହି ଅବସରରେ କେନ୍ଦ୍ର କ୍ରୀଡ଼ା ସଚିବ ରବି ମିତ୍ତଲ, ଭାରତୀୟ ଅଲମ୍ପିକ ସଙ୍ଘର ଅଧ୍ୟକ୍ଷ ନରିନ୍ଦର ବତ୍ରା ଏବଂ ମହାସଚିବ ରାଜୀବ ମେହତା, ଭାରତୀୟ କ୍ରୀଡା ପ୍ରାଧିକରଣ (SAI) ର ମହାନିର୍ଦ୍ଦେଶକ ସନ୍ଦୀପ ପ୍ରଧାନ ଓ ଅନ୍ୟାନ୍ୟ ଅଧିକାରୀ ଉପସ୍ଥିତ ରହିଥିଲେ ।
ଅଲମ୍ପିକ୍ସ ପାଇଁ ରିଲିଜ ହେଲା ଥିମ ସଙ୍ଗ୍
ଏହି ଗୀତରେ କଣ୍ଠଦାନ କରିଛନ୍ତି ଲୋକପ୍ରିୟ ଗାୟକ ମୋହିତ ଚୌହାନ । ଗୀତକୁ ଲେଖିଛନ୍ତି ତାଙ୍କ ସ୍ତ୍ରୀ ପ୍ରାର୍ଥନ ଗେହଲଟ । ଗୀତ ଉନୋଚନ ସମୟରେ କ୍ରୀଡା ମନ୍ତ୍ରୀ କହିଛନ୍ତି ଯେ, ‘‘ଏହା ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଭିଜନ ଯେ ସାରା ଦେଶକୁ ଟୋକିଓ ଅଲମ୍ପିକରେ ଭାଗ ନେଉଥିବା ଖେଳାଳିଙ୍କ ସମର୍ଥନ ପାଇଁ ଆଗେଇ ଆସିବା ଉଚିତ । ଆଉ ଏହି ଥିମ୍ ସଙ୍ଗ ସେହି ଦିଗରେ ଏକ ପଦକ୍ଷେପ ।’’