କ୍ରୀଡା ଜଗତରୁ ଇରଫାନଙ୍କୁ ଶ୍ରଦ୍ଧାଞ୍ଜଳି

ଆଉ ନାହାନ୍ତି ବଲିଉଡର ଭର୍ସାଟାଇଲ ଆକ୍ଟର ଇରଫାନ ଖାନ । ବଲିଉଡ଼ରେ ଏକ ଅପୂରଣୀୟ ଶୂନ୍ୟସ୍ଥାନ ସୃଷ୍ଟି କରି ଚାଲିଯାଇଛନ୍ତି ଇରଫାନ । ଇରଫାନଙ୍କୁ ମନେପକାଇ ଶ୍ରଦ୍ଧାଞ୍ଜଳି ଜଣାଇଲା ସମ୍ପୂର୍ଣ୍ଣ କ୍ରୀଡା ଜଗତ । ଅଧିକ ପଢ଼ନ୍ତୁ...

ମୁମ୍ବାଇ: ଦୁନିଆକୁ ବିଦାୟ ନେଇଛନ୍ତି ବଲିଉଡର ‘ପାନ ସିଂହ ତୋମର’ ଇରଫାନ ଖାନ । ତାଙ୍କ ବିୟୋଗରେ ସ୍ତବ୍ଧ ହୋଇଛି ସାରା ଦେଶ । ଦୀର୍ଘ ଦିନ ଧରି କ୍ୟାନ୍ସରରେ ଆକ୍ରାନ୍ତ ଥିବା ଇରଫାନ ବୁଧବାର ମୁମ୍ବାଇର କୋକିଲାବେନ ଧୀରୁଭାଇ ଅମ୍ବାନୀ ହସ୍ପିଟାଲରେ ଶେଷ ନିଶ୍ବାସ ତ୍ୟାଗ କରିଛନ୍ତି । ତେବେ ତାଙ୍କ ବିୟୋଗରେ କ୍ରୀଡା ଜଗତ ମଧ୍ୟ ହୋଇଛି ମର୍ମାହତ ।

ନିଜ ଅଭିନୟରେ କେବଳ ଦେଶ ନୁହେଁ ବିଦେଶରେ ମଧ୍ୟ ସୁଖ୍ୟାତି ଅର୍ଜନ କରିଥିବା ଇରଫାନଙ୍କୁ ବିରାଟ କୋହଲିଙ୍କ ଠାରୁ ଆରମ୍ଭ କରି, ସେହୱାଗ, ଯୁବରାଜ, ସୁନୀଲ ଛେତ୍ରୀ, ଭାରତୀୟ ଫୁଟବଲ ଟିମ, ରାନୀ ରାମପାଲ ଆଦି ସମସ୍ତେ ଦେଇଛନ୍ତି ଶ୍ରଦ୍ଧାଞ୍ଜଳି ।

ଇରଫାନ ତାଙ୍କ ଫିଲ୍ମ ‘ଲାଇଫ ଇନ ଏ ମେଟ୍ରୋ’, ‘ପାନ ସିଂହ ତୋମର’, ‘ଦ ଲଞ୍ଚ ବକ୍ସ’, ‘ହୈଦର’, ‘ପିକୁ’, ‘ସ୍ଲମଡଗ ମିଲେନିୟର’, ‘ଲାଇଫ ଅଫ ଏ ପାଏ’, ’ଜୁରାସିକ ୱାର୍ଲ୍ଡ’ ପାଇଁ ବେଶ ଖ୍ୟାତି ଅର୍ଜକନ କରିଥିଲେ ।