ହାଇଦ୍ରାବାଦ: ଚଳିତ ସିଙ୍ଗାପୁର ଓପନ ଟୁର୍ଣ୍ଣାମେଣ୍ଟରେ ଭାରତୀୟ ଷ୍ଟାର ସର୍ଟଲର ପିଭି ସିନ୍ଧୁଙ୍କ ବିଜୟୀ ପ୍ରଦର୍ଶନ ଜାରି । ସିଙ୍ଗାପୁର ଓପନ ୨୦୨୨ ଟୁର୍ଣ୍ଣାମେଣ୍ଟର ଫାଇନାଲରେ ପ୍ରବେଶ କରିଛନ୍ତି ସିନ୍ଧୁ । ଆଜି ଖେଳାଯାଇଥିବା ସେମିଫାଇନାଲ ମ୍ୟାଚରେ ଜାପାନର ସାଇନା କାୱାକାମୀଙ୍କୁ ୨୧-୧୫, ୨୧-୭ ପଏଣ୍ଟରେ ପରାସ୍ତ କରି ଫାଇନାଲରେ ସ୍ଥାନ ପକା କରିଛନ୍ତି ଅଲମ୍ପିକ ପଦକ ବିଜେତା ସିନ୍ଧୁ ।
ଦୁଇ ଥରର ଅଲିମ୍ପିକ ବିଜେତା ପିଭି ସିନ୍ଧୁ ଆଜି ଖେଳାଯାଇଥିବା ସେମିଫାଇନାଲ ମ୍ୟାଚରେ ଜାପାନର ପ୍ରତିଦ୍ବନ୍ଦ୍ବୀ ସାଇନା କାୱାକାମୀଙ୍କୁ ୨୧-୧୫, ୨୧-୭ ପଏଣ୍ଟରେ ପରାସ୍ତ କରିଛନ୍ତି । ସେମିଫାଇନାଲରେ ସିନ୍ଧୁ ଏବଂ କାୱାକାମୀଙ୍କ ମଧ୍ୟରେ ସେମିଫାଇନାଲ ମୁକାବିଲା ପ୍ରାୟ ୩୨ ମିନିଟ ଧରି ଖେଳାଯାଇଥିଲା । ସାଇନା କାୱାକାମୀଙ୍କ ସହିତ ସିନ୍ଧୁଙ୍କର ମୁକାବିଲା ଆଗରୁ ଥରେ ହୋଇଥିଲା । ସିନ୍ଧୁ ସିଙ୍ଗାପୁର ଓପନ ଟୁର୍ଣ୍ଣାମେଣ୍ଟ ସେମି ଫାଇନାଲ ମ୍ୟାଚ ପରେ ସାଇନା କାୱାକାମୀଙ୍କଠୁ ୨-୦ରେ ଆଗୁଆ ରହିଛନ୍ତି ।