ନୂଆଦିଲ୍ଲୀ:ପ୍ୟାରିସ ଅଲମ୍ପିକ୍ସ ପାଇଁ ଭାରୀତୟ ଆଥଲେଟଙ୍କ ଯୋଗ୍ୟତା ଅର୍ଜନ । ସୁଟର ଅଖିଳ ସେଓରାନଙ୍କୁ 2024 ପ୍ୟାରିସ ଅଲମ୍ପିକ୍ସ ପାଇଁ ଯୋଗ୍ୟତା ମିଳିଛି । ଚଳିତ ଆଇଏସଏସଏଫ ବିଶ୍ବ ଚାମ୍ପିଅନସିପରେ ମେହୁଲି ଘୋଷଙ୍କ ପରେ ଦ୍ବିତୀୟ ଭାରତୀୟ ସୁଟର ଭାବେ ଅଖିଳ ସେଓରାନ ଅଲମ୍ପିକ୍ସ ଟିକେଟ୍ ହାସଲ କରିଛନ୍ତି । ସୁଟିଂ ଇଭେଣ୍ଟରେ ବ୍ରୋଞ୍ଜ୍ ମେଡାଲ ଜିତିବା ସହ ପଞ୍ଚମ ଭାରତୀୟ ଭାବେ ସେ ପ୍ୟାରିସ ଅଲମ୍ପିକ୍ସ କୋଟା ସ୍ଥାନ ପକ୍କା କରି ଯୋଗ୍ୟତା ଅର୍ଜନ କରିଛନ୍ତି । ଟିମ୍ ଇଭେଣ୍ଟରେ ଅଖିଳଙ୍କ ନେତୃତ୍ବରେ ଭାରତ ସ୍ବର୍ଣ୍ମଣ ପଦକ ହାସଲ ଜିତିବାରେ ସଫଳ ହୋଇଛି ।
ରବିବାର ଅନୁଷ୍ଠିତ ମେଡାଲ ରାଉଣ୍ଡରେ ଅଖିଳ ନୈରାଶ୍ୟଜନକ ପ୍ରଦର୍ଶନ କରିଥିଲେ । ମାତ୍ର ପରବର୍ତ୍ତୀ ସମୟରେ ଜବରଦସ୍ତ କମ୍ବ୍ୟାକ୍ କରିଥିଲେ । 450 ସ୍କୋର ସହ ତୃତୀୟ ସ୍ଥାନ ଅଧିକାର କରିଥିଲେ । ଅଷ୍ଟ୍ରେଲିଆର ଆଲେକ୍ସଜାଣ୍ଡର 462.6 ଓ ଚେକ୍ ରିପବ୍ଲିକର ପ୍ରେଟ ଯଥାକ୍ରମେ ପ୍ରଥମ ଓ ଦ୍ବିତୀୟ ସ୍ଥାନରେ ରହି ସ୍ବର୍ଣ୍ଣ ଓ ରୌପ୍ୟ ପଦକ ଜିତିଥିଲେ । ଏହା ପୂର୍ବରୁ ଏହି ଇଭେଣ୍ଟର ଯୋଗ୍ୟତା ପର୍ଯ୍ୟାୟରେ ଅଖିଳ ଷଷ୍ଠା ସ୍ଥାନରେ ରହି 8ଜଣିଆ ଫାଇନାଲ ରାଉଣ୍ଡକୁ ଉତୀର୍ଣ୍ଣ ହୋଇଥିଲେ । ଆଇଏସଏସଏଫ ବିଶ୍ବ ଚମ୍ପିଆନସିପ୍ 2024 ପ୍ୟାରିସ୍ ଅଲମ୍ପିକ୍ସ ଯୋଗ୍ୟତା ପ୍ରତିଯୋଗିତା ଅଟେ । ଏଥିରେ ଦମଦାର ପ୍ରଦର୍ଶନ କରି ପ୍ୟାରିସ ଅଲମ୍ପିକ୍ସ ପାଇଁ ଟିକେଟ ହାସଲ କରିଛନ୍ତି ଅଖିଳ ।