ନୂଆଦିଲ୍ଲୀ: ରିଓ ଅଲିମ୍ପିକ୍ ବ୍ରୋଞ୍ଜ ପଦକ ବିଜେତା ସାକ୍ଷୀ ମଲ୍ଲିକ ଆସନ୍ତା ମାସର କାଜାଖସ୍ତାନର ଆଲମାଟିରେ ଆୟୋଜିତ ହେବାକୁ ଥିବା ଏସୀୟ ରେସଲିଂ ଚାମ୍ପିଅନସିପରେ ଭାଗ ନେବେ । ସେ 65 କିଲୋଗ୍ରାମ ଫ୍ରିଷ୍ଟାଇଲ୍ ଇଭେଣ୍ଟରେ ଭାଗ ନେବେ । ଏନେଇ ରେସଲିଂ ଫେଡେରେସନ୍ ଅଫ୍ ଇଣ୍ଡିଆ (ଡବ୍ଲୁଏଫ୍ଆଇ) ଭାରତୀୟ ଦଳ ଘୋଷଣା କରି କହିଛି ।
ଶନିବାର ଲକ୍ଷ୍ନୌର ସ୍ପୋର୍ଟସ୍ ଅଥରିଟି ଅଫ୍ ଇଣ୍ଡିଆ (SAI) ତାଲିମ କେନ୍ଦ୍ରରେ ଅନୁଷ୍ଠିତ ଜାତୀୟ ଚୟନ ପରୀକ୍ଷଣରେ ଦିବ୍ୟା କାକରନ୍ 72 କିଲୋଗ୍ରାମରେ ମନୋନୀତ ହୋଇଥିବାବେଳେ ସରିତା ମର୍ 59 କିଲୋଗ୍ରାମ ଇଭେଣ୍ଟରେ ଖେଳିବେ ଏପ୍ରିଲ୍ 9 ରୁ 18 ପର୍ଯ୍ୟନ୍ତ ହେବାକୁ ଥିବା ପ୍ରତିଯୋଗିତାରେ ଭାଗ ନେବେ । ସେହିପରି ପିଙ୍କି 55 କିଲୋଗ୍ରାମରେ ଚୟନ କରାଯାଇଛି |