ନୂଆଦିଲ୍ଲୀ: 2020-21 ଆର୍ଥିକ ବର୍ଷ ପାଇଁ ଭାରତ ସରକାର ଆର୍ଥିକ ବଜେଟ ଘୋଷଣା କରିଛନ୍ତି। ଭାରତ ସରକାରଙ୍କ ପକ୍ଷରୁ ଅର୍ଥମନ୍ତ୍ରୀ ନିର୍ମଳା ସୀତାରମଣ ବଜେଟ ଉପସ୍ଥାପନ କରିଥିଲେ । 2020-21 ବର୍ଷରେ କ୍ରୀଡା ବଜେଟ 2826.92 କୋଟି ଟଙ୍କା ରହିଛି। ପୂର୍ବ 2019-20 ବଜେଟ ଅପେକ୍ଷା ଏହା ଚଳିତ ଥର 50 କୋଟି ଅଧିକ ଅର୍ଥରାଶି ବ୍ୟୟବରାଦ ହୋଇଛି ।
ଭାରତ ସରକାର ତୃଣମୂଳସ୍ତରରୁ କ୍ରୀଡାର ବିକାଶ ପାଇଁ ଖେଲୋ ଇଣ୍ଡିଆ କାର୍ଯ୍ୟକ୍ରମକୁ ଗୁରୁତ୍ବ ଦେଇଛନ୍ତି । ମୋଟ 291.42 କୋଟି ଟଙ୍କା ଖେଲୋ ଇଣ୍ଡିଆ କାର୍ଯ୍ୟକ୍ରମ ପାଇଁ ବ୍ୟୟବରାଦ ହୋଇଛି । ଫଳରେ ଅନ୍ୟ ବିଭାଗରେ ଖର୍ଚ୍ଚ କମ ପାଇଁ ପ୍ରସ୍ତାବ ରଖାଯାଇଛି ।
ନ୍ୟାସନାଲ ସ୍ପୋର୍ଟ୍ସ ଫେଡେରେସନରେ ସର୍ବାଧିକ ବ୍ୟୟବରାଦ କମ କରାଯାଇଛି । 2019-20 ବଜେଟରେ 300.85 କୋଟି ଟଙ୍କା ବ୍ୟୟ ବରାଦ ହୋଇଥିଲା । ମାତ୍ର ଚଳିତ ଥର ଏହାକୁ 245.00 କୋଟିକୁ କମାଯାଇଛି। ଯାହାକି ପୂର୍ବ ବର୍ଷର ବ୍ୟୟବରାଦରୁ 55 କୋଟି କମ।
କ୍ରୀଡାବିତଙ୍କ ଭତ୍ତାରେ କମ ଅର୍ଥରାଶି କମ କରାଯାଇଛି । 111.00 କୋଟିରୁ କମ କରାଯାଇ 70.00 କୋଟି ରଖାଯାଇଛି। ନ୍ୟାସନାଲ ସ୍ପୋର୍ଟ୍ସ ଡେଭେଲଫମେଣ୍ଟ ଫଣ୍ଡରେ ମଧ୍ୟ ଖର୍ଚ୍ଚଦାବିକୁ କମ କରାଯାଇଛି । ପୂର୍ବରୁ ଏହା 77.15 କୋଟି ଥିବାବେଳେ, ଚଳିତ ଥର 50.00 କୋଟି କରାଯାଇଛି ।