ଭୁବନେଶ୍ବର:ବାହାରିନର ମାନାମା ସହରରେ ଚାଲିଥିବା ଅନ୍ତର୍ଜାତୀୟ ପାରା ବ୍ୟାଡମିଣ୍ଟନରେ ଦମଦାର ପ୍ରଦର୍ଶନ କରିଛନ୍ତି ପ୍ରମୋଦ ଭଗତ । ଦୁଇ ଦୁଇଟି ସ୍ବର୍ଣ୍ଣ ପଦକ ହାସଲ କରିଛନ୍ତି ପ୍ରମୋଦ । ଉଭୟ ସିଙ୍ଗଲ୍ସ ଓ ଡବଲ୍ସରେ ଏହି ସଫଳତା ପାଇଛନ୍ତି ପ୍ରମୋଦ । ଏହା ସହିତ ଡବଲ୍ସରେ ଦୀପ ରଞ୍ଜନ ବିଷୋୟୀଙ୍କୁ ବ୍ରୋଞ୍ଜ ପଦକରେ ସନ୍ତୁଷ୍ଟ ହେବାକୁ ପଡିଛି ।
ସିଙ୍ଗଲ୍ସରେ ପ୍ରମୋଦ ଓ ଇଂଲଣ୍ଡର ଡାନିଏଲ ବେଥେଲଙ୍କ ମଧ୍ୟରେ ମୁକାବିଲା ହେବାର ଥିଲା । ଡାନିଏଲ ମ୍ୟାଚ ପାଇଁ ଫିଟ ନଥିବାରୁ ପ୍ରମୋଦଙ୍କୁ ୱାକଓଭର ମିଳିଥିଲା ତେଣୁ ସେ ବିଜେତା ଘୋଷିତ ହୋଇଥିଲେ । ମିକ୍ସ ଡବଲ୍ସରେ ସେ ମନୀଷା ରମଦାସଙ୍କୁ ଯୋଡି କରି ଫାଇନାଲରେ ଥାଇଲାଣ୍ଡର ସିରିପୋଙ୍ଗ ଟିମଆରୋମ ଓ ଏସ ନିପଦା ଯୋଡିଙ୍କୁ 21-14, 21-11 ଗେମରେ ପରାସ୍ତ କରିଥିଲେ ।