ନୂଆଦିଲ୍ଲୀ: ବିଶ୍ବ ମହିଳା ବକ୍ସିଂ ଚମ୍ପିଆନସିପ୍ର ସ୍ବର୍ଣ୍ଣ ପଦକ ବିଜେତା ନିଖତ ଜରିନଙ୍କୁ ଭେଟିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ନିଖତଙ୍କୁ ଭେଟି ତାଙ୍କ ଜର୍ସିରେ ଅଟୋଗ୍ରାଫ ଦେଇଛନ୍ତ ପ୍ରଧାନମନ୍ତ୍ରୀ ମୋଦି । ଏହାର ଫଟୋ ନିଜ ସୋସିଆଲ ମିଡିଆ ହ୍ୟାଣ୍ଡେଲ୍ରେ ସେୟାର କରିଛନ୍ତି ନିଖତ ।
ନିଖତ ଜରିନରଙ୍କ ସହ ବିଶ୍ବ ବକ୍ସିଂ ଚମ୍ପିଆନସିପ୍ରେ ପଦକ ହାସଲ କରିଥିବା ଅନ୍ୟ ଭାରତୀୟ ମହିଳା ବକ୍ସରଙ୍କୁ ଭେଟିଛନ୍ତି ମୋଦି । କାଂସ୍ୟ ପଦକ ହାସଲ କରିଥିବା ମନୀଷା ମୌନ, ପର୍ବିନ୍ ହୁଡ୍ଡାଙ୍କୁ ମୋଦିଙ୍କୁ ଭେଟିବାର ସୌଭାଗ୍ୟ ଅର୍ଜନ କରିଛନ୍ତି । ଗତ ମାସରେ ତୁର୍କୀରେ ଆୟୋଜିତ ବିଶ୍ବ ବକ୍ସିଂ ଚମ୍ପିଆନସିପ୍ରେ ସ୍ବର୍ଣ୍ଣ ପଦକ ହାସଲ କରିଥିଲେ ନିଖତ । ଏଭଳି କାରନାମା କରିବାରେ ସେ ପଞ୍ଚମ ଭାରତୀୟ ମହିଳା ବକ୍ସର ।