ନୂଆଦିଲ୍ଲୀ: ପ୍ରୋ କବାଡି ଲିଗ୍ (ପିକେଏଲ୍)ର ଅଷ୍ଟମ ସଂସ୍କରଣ ଶ୍ରୀଲଙ୍କାରେ ଆୟୋଜନ ପାଇଁ ଶ୍ରୀଲଙ୍କା କବାଡି ଫେଡେରେସନ୍ ସହିତ କୌଣସି ଆଲୋଚନା ହୋଇ ନାହିଁ ବୋଲି ଲିଗର ଆୟୋଜକ ମାନେ ଗୁରୁବାର ଏକ ବିବୃତ୍ତିରେ କହିଛନ୍ତି।
ଏହି ଲିଗ ସାଧାରଣତଃ ଜୁଲାଇରୁ ଅକ୍ଟୋବର ମଧ୍ୟରେ ଦେଶର ବିଭିନ୍ନ ସହର ଦ୍ବାରା ଆୟୋଜିତ ହୋଇଥାଏ । କିନ୍ତୁ କରୋନାଭାଇରସ ମହାମାରୀ ଏବଂ ପରବର୍ତ୍ତୀ ଲକଡାଉନ କାରଣରୁ 2020 ସଂସ୍କରଣକୁ ସମାନ ଫର୍ମାଟରେ ଆୟୋଜନ କରାଯାଇପାରିବ କି ନାହିଁ ସେନେଇ ସନ୍ଦେହ ସୃଷ୍ଟି ହୋଇଛି ।
ଆୟୋଜକ ମଶାଲ ସ୍ପୋର୍ଟସର ମୁଖପାତ୍ର କହିଛନ୍ତି ଯେ, ‘‘ଆମ ଖେଳାଳି ତଥା ଅନ୍ୟ ଅଂଶଗ୍ରହଣକାରୀଙ୍କ ସ୍ବାସ୍ଥ୍ୟ ଏବଂ ନିରାପତ୍ତା ଆମର ନିଷ୍ପତ୍ତିରେ ମୁଖ୍ୟ ପ୍ରସଙ୍ଗ ଏବଂ ମୁଖ୍ୟ ବିଚାର ଅଟେ।’’