ଟୋକିଓ:ଟୋକିଓ ୨୦୨୦ ପାରାଲମ୍ପିକ୍ ଖେଳ ଆରମ୍ଭର ୫ ଦିନ ପୂର୍ବରୁ ଅନ୍ତର୍ଜାତୀୟ ପାରାଲମ୍ପିକ୍ କମିଟି, ସ୍ବତନ୍ତ୍ର ଅଲମ୍ପିକ ଓ ଡେଫାଲିମ୍ପିକ୍ସର ଅନ୍ୟ ଆୟୋଜକଙ୍କ ସହ ମିଶି ଦିବ୍ୟାଙ୍ଗ ବ୍ୟକ୍ତିଙ୍କ ପ୍ରତି ଭେଦଭାବକୁ ଶେଷ କରିବାକୁ ଏକ ଗ୍ଳୋବାଲ ଅଭିଯାନ ଆରମ୍ଭ କରିଛି ।
ଏହି ଅଭିଯାନର ନାମ "WeThe15" ରହିଛି । ବିଶ୍ବର ଜନସଂଖ୍ୟାର ୧୫ ପ୍ରତିଶତ ଅର୍ଥାତ ୧.୨ ବିଲିୟନ ଦିବ୍ୟାଙ୍ଗ ବ୍ୟକ୍ତି ଏହି ଅଭିଯାନ ଦ୍ବାରା ସୁଫଳ ଲାଭ କରିବେ ବୋଲି IPC ଆଶାବାଦୀ ରହିଛି ।
IPC ବ୍ୟତୀତ, ସ୍ପେଶାଲ ଅଲମ୍ପିକ୍, "WeThe15" ଅଭିଯାନରେ ସାମିଲ ହୋଇଛି ମିଳିତ ଜାତିସଂଘ ମାନବିକ ଅଧିକାର ଓ UNESCO ଭଳି ଆନ୍ତର୍ଜାତୀୟ ସଂସ୍ଥା । ବିଶ୍ବ ତମାମ ଦିବ୍ୟାଙ୍ଗ ବ୍ୟକ୍ତିମାନଙ୍କ ପ୍ରତି ଥିବା ଦୁର୍ବଳ ମାନସିକତାର ସଚେତନତା ସୃଷ୍ଟି କରିବାକୁ ପ୍ରଥମ ଥର ପାଇଁ ଭିନ୍ନକ୍ଷମଙ୍କ ପାଇଁ ଥିବା ୪ଟି ସଂସ୍ଥା- IPC, ସ୍ପେଶାଲ ଅଲମ୍ପିକ୍, ଇନଭିକ୍ଟସ ଗେମ୍ସ ଫାଉଣ୍ଡେସନ ଓ ଅନ୍ତର୍ଜାତୀୟ କମିଟି ଅଫ୍ ସ୍ପୋର୍ଟ୍ସ ଫର୍ ଡିଫ୍(ଡିଫାଲମ୍ପିକ୍ସ) ଏକାଠି ହୋଇଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
