ପ୍ୟାରିସ:ଫ୍ରାନ୍ସରେ ଗୁଞ୍ଜରିତ ହେଲା ଭାରତର ଜାତୀୟ ସଙ୍ଗୀତ । ଭାରତ ମାତା କି ଜୟ ନାରାରେ କମ୍ପିଲା ଫ୍ରାନ୍ସର ଚାଟେରକ୍ସ । ଆଉ ଏ ସୌଭାଗ୍ୟ ଆଣିଛନ୍ତି ପାରାଅଲମ୍ପିକ୍ସ ସ୍ବର୍ଣ୍ଣ ବିଜେତା ଭାରତୀୟ ସୁଟର ଅବନୀ ଲେଖରା । ଫ୍ରାନ୍ସର ଚାଲିଥିବା ପାରା ସୁଟିଂ ବିଶ୍ବକପରେ ଭାରତକୁ ଆଉ ଏକ ସଫଳତା ମିଳିଛି । ମହିଳା 50 ମିଟର ଏୟାର ରାଇଫଲ 3 ଏସଏଚ ଫାଇନାଲରେ ଇଭେଣ୍ଟରେ ସ୍ବର୍ଣ୍ଣ ପଦକ ହାସଲ କରିଛନ୍ତି ଅବନୀ । ଏହାକୁ ମିଶାଇ ପାରା ସୁଟିଂରେ ଡବଲ ସ୍ବର୍ଣ୍ଣ ହାତେଇଛନ୍ତି ଅବନୀ ।
ଫାଇନାଲରେ ଜୟପୁରର ଗୋଲ୍ଡନେ ଗାର୍ଲଙ୍କ ସ୍ଲୋ ଆରମ୍ଭ ହୋଇଥିଲା । ମାତ୍ର ଖୁବ କମ ସମୟରେ ସେ କମବ୍ୟାକ କରିଥିଲେ । ଶେଷ 3 ରାଉଣ୍ଡରେ ସେ 10 ପଏଣ୍ଟ ହାସଲ କରିଥିଲେ । 20 ବର୍ଷୀୟ ଅବନୀ ପୂର୍ବରୁ ମହିଳା 10 ମିଟର ଏୟାର ରାଇଫଲ ଷ୍ଟାଣ୍ଡିଂ ଏସଏଚ-1 ଇଭେଣ୍ଟରେ ନୂଆ ବିଶ୍ବ ରେକର୍ଡ ସହ ସ୍ବର୍ଣ୍ଣ ପଦକ ହାସଲ କରିସାରିଛନ୍ତି । ବର୍ତ୍ତମାନ ପୁଣି ଅବନୀ ମୋଟ 458. 3 ପଏଣ୍ଟ ହାସଲ କରି ଏହି ସଫଳତା ପାଇଛନ୍ତି ।