ନୂଆଦିଲ୍ଲୀ: କୋରୋନା ଆକ୍ରାନ୍ତ ହେଲେ ପାରା ଆଥଲେଟ ନିଷଦ କୁମାର। ଏହାକୁ ନେଇ ଭାରତୀୟ କ୍ରୀଡ଼ା ପ୍ରାଧିକରଣ ସଂସ୍ଥାନ ସୂଚନା ଦେଇଛି। ନିଷଦ ଦୁବାଇରେ ହୋଇଥିବା ବିଶ୍ବ ଫାଜା ପାରା ଆଥଲେଟ ଗ୍ରାଣ୍ଡପ୍ରିକ୍ସରେ ସେ ସ୍ବର୍ଣ୍ଣ ପଦକ ହାସଲ କରିଥିଲେ। କୋରୋନା ଆକ୍ରାନ୍ତ ହେବାପରେ ତାଙ୍କୁ କ୍ବାରେଣ୍ଟିନରେ ରଖାଯାଇଛି।
ଏହାକୁ ନେଇ ଭାରତୀୟ କ୍ରୀଡ଼ା ପ୍ରାଧିକରଣ ସଂସ୍ଥାନ କହିଛି ଯେ, "ଅଭ୍ୟାସ ଆରମ୍ଭ କରିବାକୁ ନିଷଦ ଗତ ଫେବ୍ରୁଆରୀ 23 ତାରିଖରେ ଶିବିରରେ ଯୋଗ ଦେଇଥିଲେ। ତାଙ୍କ ସହ ଆଉ ଦୁଇ ଜଣ ଆଥଲେଟ ଓ ଜଣେ ସପୋର୍ଟ ଷ୍ଟାଫ ମଧ୍ୟ ରହିଥିଲେ। ତେବେ ଅଭ୍ୟାସ ଶିବିରରେ ପହଞ୍ଚିବା ମାତ୍ରେ ସେମାନଙ୍କୁ 7 ଦିନିଆ ବାଧ୍ୟତାମୂଳକ କ୍ବାରେଣ୍ଟିନରେ ରଖାଯାଇଥିଲା। ସାଇ(Sports Authority of India) ଏସଓପି ଅନୁଯାୟୀ ଆରଟିପିସିଆର ଟେଷ୍ଟ ପରେ ନିଷଦ କୋରୋନା ଆକ୍ରାନ୍ତ ହୋଇଥିବା ଜଣା ପଡ଼ିଛି।"