ଭୁବନେଶ୍ବର: ୪୪ତମ ଚେସ୍ ଅଲମ୍ପିଆଡ ପାଇଁ ଭାରତୀୟ ଦଳରେ ସାମିଲ ହୋଇଛନ୍ତି ଗ୍ରାଣ୍ଡମାଷ୍ଟର ପଦ୍ମିନୀ ରାଉତ । ଏହାକୁ ନେଇ ରାଜ୍ୟ କ୍ରୀଡ଼ା ବିଭାଗ ପକ୍ଷରୁ ଟ୍ବିଟ୍ କରି ସୂଚନା ଦିଆଯାଇଛି । ଜୁଲାଇ ୨୮ ତାରିଖରୁ ଅଗଷ୍ଟ ୧୦ ତାରିଖ ଯାଏଁ ଚେନ୍ନାଇରେ ୪୪ତମ ଚେସ୍ ଅଲମ୍ପିଆଡ ଚାଲିବ ।
୧୪ ଦିନ ଧରି ଏହି ଇଭେଣ୍ଟ ଜାରି ରହିବ । ୫ ଥରର ଚେସ୍ ବିଶ୍ବ ଚମ୍ପିଆନ୍ ବିଶ୍ବନାଥନନ ଆନନ୍ଦ ଏହି ଇଭେଣ୍ଟର ହୋଷ୍ଟିଂ ଦାୟିତ୍ବରେ ରହିବେ । ଏଥର ଆୟୋଜକ ଭାରତ ଏହି ଅଲମ୍ପିଆଡରୁ ଅଧିକାଂଶ ପଦକ ହାସଲ କରିବ ବୋଲି ଆଶା କରାଯାଉଛି । ଉଭୟ ପୁରୁଷ ଓ ମହିଳା ବର୍ଗରେ ଭାରତର ଦୁଇଟି ଦଳ ଏଥିରେ ଅଂଶ ଗ୍ରହଣ କରିବେ । ଏଥିରେ ଗ୍ରାଣ୍ଡମାଷ୍ଟର ପଦ୍ମିନୀ ରାଉତଙ୍କ ନାମ ସାମିଲ ରହିଛି ।