ନୂଆଦିଲ୍ଲୀ: କେନ୍ଦ୍ର କ୍ରୀଡାମନ୍ତ୍ରୀ କିରନ ରିଜିଜୁ ସୋମବାର କହିଛନ୍ତି ଯେ, କେବଳ ଭାରତ ଏବଂ ଏସିଆରେ ନୁହେଁ, ବିଶ୍ବବ୍ୟାପି କବାଡିକୁ ପ୍ରସିଦ୍ଧ କରିବା ଏବଂ ଅଲିମ୍ପିକ୍ସରେ ଏହି କ୍ରୀଡାକୁ ଅନ୍ତର୍ଭୁକ୍ତ କରିବା ଦେଶର ମୂଳ ଲକ୍ଷ୍ୟ । ରିଜଜୁ କହିଛନ୍ତି, "କବାଡି ଏସିଆନ ଗେମ୍ସରେ ଅନ୍ତର୍ଭୁକ୍ତ ହୋଇସାରିଛି ଏବଂ ବର୍ତ୍ତମାନ କେବଳ ଭାରତ ନୁହେଁ, ସମସ୍ତ ଏସୀୟ ଦେଶ ଏକତ୍ରିତ ହେବା ଆବଶ୍ୟକ ଯାହା ଅଲିମ୍ପିକ୍ସରେ ମଧ୍ୟ ଅନ୍ତର୍ଭୁକ୍ତ ହେବ । ଏହା ଆମର ମୂଳ ଲକ୍ଷ୍ୟ ।"
ସେ ଆହୁରି ମଧ୍ୟ କହିଛନ୍ତି ଯେ, ସେହି ଲକ୍ଷ୍ୟ ହାସଲ କରିବା ପାଇଁ ଆମକୁ ଭାରତରେ ଖେଳର ମାନକୁ ଉନ୍ନତ କରିବାକୁ ହେବ ଏବଂ ଏହା ନିଶ୍ଚିତ କରିବାକୁ ହେବ ଯେ ଆମେ ଏହାକୁ ଭାରତ ତଥା ବିଶ୍ବର ଭୌଗୋଳିକ ସ୍ଥାନଗୁଡିକରେ ବିସ୍ତାର କରିବୁ ।