ନୂଆଦିଲ୍ଲୀ:ଲଦାଖରେ ନିର୍ମାଣ ହେଉଛି ଓପନ ସିନ୍ଥେଟିକ ଟ୍ରାକ୍ ଓ ଅଷ୍ଟ୍ରୋ-ଟର୍ଫ ଫୁବଟଲ ଷ୍ଟାଡିୟମ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରବିବାର ଏହି ଘୋଷଣା କରିଛନ୍ତି । ଏହି ଷ୍ଟାଡିୟମ 10,000 ଫୁଟରୁ ଅଧିକ ଉଚ୍ଚରେ ନିର୍ମାଣ କରାଯାଉଛି ଏବଂ ଏହାର ନିର୍ମାଣ ଶୀଘ୍ର ଶେଷ ହେବାକୁ ଯାଉଛି ।
ମାସିକ ରେଡିଓ କାର୍ଯ୍ୟକ୍ରମ 'ମନ୍ କି ବାତ୍'ରେ ଦେଶକୁ ସମ୍ବୋଧନ ସମୟରେ ଏହି ସୂଚନା ଦେଇଛନ୍ତି ପିଏମ ମୋଦି । ଷ୍ଟାଡିୟମ କାର୍ଯ୍ୟ ଚାଲୁ ରହିଛି ଓ ଖୁବଶୀଘ୍ର ଏହା ଶେଷ ହେବ ବୋଲି ମଧ୍ୟ କହିଛନ୍ତି । ଲଦାଖରେ ଏହା ବୃହତ୍ତମ ଓପନ ଷ୍ଟାଡିୟମ ହେବ ଯେଉଁଠାରେ ପ୍ରାୟ ୩୦,୦୦୦ ଦର୍ଶକ ଏକାଠି ବସିପାରିବେ ।
ଲଦାଖରେ ନିର୍ମାଣଧୀନ ଏହି ଅତ୍ୟାଧୁନିକ ଫୁଟବଲ ଷ୍ଟାଡିୟମରେ ୮ ଲେନ୍ ବିଶିଷ୍ଟ ଏକ ସିନ୍ଥେଟିକ୍ ଟ୍ରାକ୍ ରହିବ । ଏହା ବ୍ୟତୀତ ଏକହଜାର ଶଯ୍ୟା ଥିବା ଏକ ହଷ୍ଟେଲ ସୁବିଧା ଉପଲବ୍ଧ ହେବ । ଫୁଟବଲ ପରିଚାଳନା ସଂସ୍ଥା FIFA ପକ୍ଷରୁ ମଧ୍ୟ ଏହି ଷ୍ଟାଡିୟମକୁ ସୀକୃତି ମିଳିଛି ।