ଭୁବନେଶ୍ବର: ନୂଆ ରୂପରେ ନଜର ଆସିଛନ୍ତି ଅଲିମ୍ପିଆନ ଦୌଡରାଣୀ ଦୂତି ଚାନ୍ଦ । କଲର୍ସ ଚ୍ୟାନେଲର ଲୋକପ୍ରିୟ ଡ୍ୟାନ୍ସ ରିୟଲିଟି ଶୋ ଝଲକ ଦିଖଲା ଜାରେ ପ୍ରତିଯୋଗୀ ଭାବେ ଭାଗ ନେଇଛନ୍ତି ଦୂତି । ପ୍ରତିଯୋଗୀ ଭାବେ ପ୍ରଥମ ଦିନରେ ବଲିଉଡ ଗୀତ ଧାକଡ ହେ ଧାକଡରେ ଡ୍ୟାନ୍ସ ଜଲୱା ଦେଖାଇଛନ୍ତି ଦୂତି। ଏହାସହ ବିଚାରକଙ୍କ ମନ ଜିଣିଛନ୍ତି । ଦୂତିଙ୍କ ଡ୍ୟାନ୍ସ ଦେଖି ବିଚାରକମାନେ ବେଶ ଖୁସି ହୋଇଥିଲେ ।
କ୍ରୀଡା ଜଗତରେ 20 ବର୍ଷ ବିତାଇଛନ୍ତି ଦୂତି ଚାନ୍ଦ । ପ୍ରଥମ ଥର ପାଇଁ ଡ୍ୟାନ୍ସ କରିଛନ୍ତି । ସାମାନ୍ୟ ନର୍ଭସ ଥିଲେ ମାତ୍ର ଧାକଡ ଗୀତରେ ଧୁମ ମଚାଇଛନ୍ତି ଦୌଡରାଣୀ ଦୂତି ଚାନ୍ଦ । ପୂର୍ବରୁ ଶୋରେ ଭାଗ ନେବା ପାଇଁ ଦୂତିଙ୍କୁ ପ୍ରସ୍ତାବ ଆସିଥିଲା । ଅଲମ୍ପିକ୍ସ ଓ ରାଜ୍ୟଗୋଷ୍ଠୀ କ୍ରୀଡା ପାଇଁ ସମୟ ଦେଇ ପାରୁନଥିଲେ । ମାତ୍ର ଏବେ ଦଶମ ସଂସ୍କରଣରେ ଭାଗ ନେଇଛନ୍ତି ଦୂତି । ପ୍ରଥମ ଓଡିଆ କ୍ରୀଡାବିତ ଭାବେ ରିୟଲିଟି ଶୋର ଭାଗ ନେଇ ବେଶ ଉତ୍ସାହିତ ଦେଖିବାକୁ ମିଳିଛି । ଖେଳ ବ୍ୟତୀତ ଡ୍ୟାନ୍ସରେ କିଛି କରି ଦେଖାଇବା ନେଇ ଦୂତିଙ୍କ ପାଖରେ ସୁଯୋଗ ରହିିଛି ।