ହାଇଦ୍ରାବାଦ: ଦୁଇ ଥର ଅଲମ୍ପିକ ପଦକ ବିଜେତା ପିଭି ସିନ୍ଧୁ ସିଙ୍ଗାପୁର ଓପନ ଟାଇଟଲ ହାସଲ କରିଛନ୍ତି । ଭାରତର ଷ୍ଟାର ଖେଳାଳି ପିଭି ସିନ୍ଧୁଙ୍କ ଏହି ସଫଳତା ପରେ ତାଙ୍କୁ ବିଭିନ୍ନ ମହଲରୁ ଶୁଭେଚ୍ଛାର ସୁଅ ଛୁଟିଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦ ମଧ୍ୟ ସିନ୍ଧୁଙ୍କ ଏହି ଐତିହାସିକ ସଫଳତା ପରେ ତାଙ୍କୁ ଶୁଭେଚ୍ଛା ଜଣାଇଛନ୍ତି । ମୋଦି ତାଙ୍କ ଟ୍ବିଟରରେ ସିଙ୍ଗାପୁର ଓପନ ଫାଇନାଲ ମ୍ୟାଚ୍ ସମୟର ଭିଡିଓ ସେୟାର କରିବା ସହ ଶୁଭେଚ୍ଛା ଜଣାଇଛନ୍ତି ।
ପ୍ରଧାନମନ୍ତ୍ରୀ ମୋଦି କହିଛନ୍ତି, "ନିଜର ପ୍ରଥମ ସିଙ୍ଗାପୁର ଓପନ ଟାଇଟଲ ହାତେଇବା ପାଇଁ ପିଭି ସିନ୍ଧୁ୍ଙ୍କୁ ମୁଁ ଶୁଭେଚ୍ଛା ଜଣାଉଛି । ପିଭି ସିନ୍ଧୁ ପୁଣି ଥରେ ନିଜର ଅସାଧାରଣ ଖେଳ ପ୍ରଦର୍ଶନ କରିଛନ୍ତି । ଏହା ଦେଶ ପାଇଁ ଗୌରବମୟ ମୁହୂର୍ତ୍ତ । ତାଙ୍କର ଏହି ପ୍ରତିଭା ଏବଂ ପ୍ରଦର୍ଶନ ଆଗାମୀ ପିଢିର ଖେଳାଳିମାନଙ୍କୁ ବହୁତ ପ୍ରେରଣା ଯୋଗାଇବ ।"