ନୂଆଦିଲ୍ଲୀ:ଆର୍ଜେଣ୍ଟିନା ପୁଟବଲ ଟିମ ଅଧିନାୟକ ତଥା ଷ୍ଟାର ଖେଳାଳି ଲିଓନେଲ ମେସି ଏବେ ଚର୍ଚ୍ଚାରେ । ଜାଣିବା ପାଇଁ ପଢନ୍ତୁ ସମ୍ପୂର୍ଣ୍ଣ ଖବର । କତାରରେ ଅନୁଷ୍ଠିତ ଫିପା ବିଶ୍ବକପ ବିଜୟର ଉତ୍ସବ ପାଳିବାକୁ ଦଳକୁ ଏକ ନିଆରା ଉପହାର ଦେଇଛନ୍ତି ମେସି । 35ଟି ଆଇଫୋନ କିଣି ଦଳକୁ ଉପହାର ଆକାରରେ ଦେଇଛନ୍ତି । ଟିମ ସଦସ୍ୟ ତଥା ସପୋର୍ଟ ଷ୍ଟାଫଙ୍କୁ ଉପହାର ଦେଇଛନ୍ତି ମେସି । 35ଟି ଆଇଫୋନର ମୂଲ୍ୟ 1, 75,000 ୟୁରୋ ଯାହା ଭାରତୀୟ ମୂଲ୍ୟରେ 1.73 କୋଟି ଟଙ୍କା ହେବ ।
ରିପୋର୍ଟ ଅନୁସାରେ, ମେସି କିଣିଥିବା ସମସ୍ତ ଆଇଫୋନ ପଛରେ ଖେଳାଳିଙ୍କ ନାମ, ଜର୍ସି ନମ୍ବର ଓ ଆର୍ଜେଣ୍ଟିନା ଲୋଗ ରହିଛି । ଏହି ମାସ ଶେଷ ସପ୍ତାହ ସୁଦ୍ଧା ସମସ୍ତ ଖେଳାଳିଙ୍କ ପାଖର ଏହି ଫୋନ ପହଞ୍ଚିବ । ଫ୍ରାନ୍ସକୁ ପରାସ୍ତ କରି 2022 ଫିଫା ବିଶ୍ବକପ ବିଜୟୀ ହୋଇଥିଲା । ଏହା ମେସିଙ୍କ ନେତୃତ୍ବାଧୀନ ପ୍ରଥମ ଟାଇଟଲ ଥିଲା । ବିଶ୍ବକପ ମ୍ୟାଚରେ ମେସିଙ୍କ ମ୍ୟାଜିକ ଦେଖିବାକୁ ମିଳିଥିଲା । ଆର୍ଜେଣ୍ଟିନା ପକ୍ଷରୁ ଲିଓନେଲ ମେସି ଉନ୍ନତ ପ୍ରଦର୍ଶନ ପାଇଁ ଗୋଲ୍ଡେନ ବଲ ପାଇଥିଲେ । ନିକଟରେ ମେସି ସର୍ବଶ୍ରେଷ୍ଠ ଫୁଟବଲ ଖେଳାଳି ପୁରସ୍କାର ମଧ୍ୟ ଜିତିଛନ୍ତି ।
ଏହା ବି ପଢନ୍ତୁ...New Coach of Men's Hockey Team: କ୍ରେଗ ଫୁଲଟନ ଭାରତୀୟ ପୁରୁଷ ଦଳ ମୁଖ୍ୟ କୋଚ