ହାଇଦ୍ରାବାଦ: ଏକ ବଡ ଅଘଟଣରୁ ବର୍ତ୍ତିଗଲେ ରେସିଂ ଷ୍ଟାର ଲିୱିସ ହାମିଲଟନ । ରବିବାର ଇଟାଲିଆନ ଗ୍ରାଣ୍ଡପ୍ରିକ୍ସ(Italian Grand Prix) ରେସିଂ ସମୟରେ ଫର୍ମୁଲା ୱାନ ଟାଇଟେଲ ପ୍ରତିନ୍ଦ୍ବନ୍ଦ୍ବୀ ମାକ୍ସ ଭେରଷ୍ଟାପ୍ପେନଙ୍କ କାର୍ ସହିତ ହାମିଲଟନଙ୍କ ମର୍ସିଡିଜ ରେସିଂ କାର୍ ଧକ୍କା ହୋଇଛି । ଦୁର୍ଘଟଣାର ଏତେ ଶକ୍ତିଶାଳୀ ଥିଲା ଯେ, ଦାମି ରେସିଂ କାର୍ ଚୁରମାର ହୋଇଯାଇଛି ।
ଭେରଷ୍ଟାପ୍ପେନଙ୍କ କାର୍ ହାମିଲଟନଙ୍କ ମର୍ସିଡିଜ ସହ ପିଟିହେବାପରେ ଭୟଙ୍କର ଦୁର୍ଘଟଣା ଘଟିଥିଲା । ସବୁଠୁ ଗୁରୁତ୍ବପୂର୍ଣ୍ଣ କଥା ହେଉଛି ସୌଭାଗ୍ୟକ୍ରମେ ହାମିଲଟନଙ୍କ ଜୀବନ ବଞ୍ଚିଯାଇଛି । ବଡ ଦୁର୍ଘଟଣା ସତ୍ତ୍ବେ ନୂଆ ଜୀବନ ଫେରିପାଇଥିବା ହାମିଲଟନ ଟ୍ବିଟ୍ରେ ସେହି ଲୋମଟାଙ୍କୁରା ମୂହୂର୍ତ୍ତକୁ ବୟାନ କରିଛନ୍ତି ଓ ଭାଗ୍ୟବାନ ଥିବାରୁ ଜୀବନ ବଞ୍ଚିଗଲା ବୋଲି କହିଛନ୍ତି ।