ଅନଲାଇନ ଚେସ୍ ଅଲମ୍ପିଆଡ ଫାଇନାଲରେ ଭାରତ

ସେମିଫାଇନାଲ ମୁକାବିଲାରେ ଶନିବାର ଭାରତର କୋନେରୁ ହମ୍ପି ପୋଲାଣ୍ଡର ମୋନିକା ସୋସକୋଙ୍କୁ ହରାଇଛନ୍ତି ।

ନୂଆଦିଲ୍ଲୀ: ଚଳିତ ଅନଲାଇନ ଚେସ୍ ଅଲମ୍ପିଆଡ ଟୁର୍ଣ୍ଣାମେଣ୍ଟର ଫାଇନାଲରେ ପ୍ରବେଶ କରିଛି ଭାରତ । ସେମିଫାଇନାଲ ମୁକାବିଲାରେ ଶନିବାର ଭାରତର କୋନେରୁ ହମ୍ପି ପୋଲାଣ୍ଡର ମୋନିକା ସୋସକୋଙ୍କୁ ହରାଇଛନ୍ତି ।

ପ୍ରଥମ ରାଉଣ୍ଡରେ ଭାରତ ପରାଜିତ ହୋଇଥିଲା । ତେବେ ଦ୍ବିତୀୟ ରାଉଣ୍ଡରେ ଦମଦାର ପ୍ରତ୍ୟାବର୍ତ୍ତନ ସହ ବିଜୟୀ ହୋଇଥିଲା । ରୁଷିଆ ଓ ସଂଯୁକ୍ତ ରାଷ୍ଟ୍ର ଆମେରିକା ମଧ୍ୟରେ ଖେଳାଯାଉଥିବା ମ୍ୟାଚର ବିଜେତା ସହ ଫାଇନାଲରେ ଭାରତ ମୁହାଁମୁହିଁ ହେବ ।

ବ୍ୟୁରୋ ରିପୋର୍ଟ, ଇଟିଭି ଭାରତ