ଲଦାଖରେ 12କୋଟିରୁ ଅଧିକ କ୍ରୀଡା ପ୍ରକଳ୍ପର ଭିତ୍ତିପ୍ରସ୍ଥର ସ୍ଥାପନ

କେନ୍ଦ୍ର କ୍ରୀଡା ମନ୍ତ୍ରୀ କିରଣ ରିଜିଜୁ ସୋମବାର, ଲେହ ଓ ଲଦାଖରେ ପ୍ରାୟ 12କୋଟିରୁ ଅଧିକ ଟଙ୍କାର କ୍ରୀଡା ପ୍ରକଳ୍ପର ଭିତ୍ତି ପ୍ରସ୍ତର ସ୍ଥାପନ କରିଛନ୍ତି।

ଲେହ: କେନ୍ଦ୍ର କ୍ରୀଡା ମନ୍ତ୍ରୀ କିରଣ ରିଜଜୁ ସୋମବାର, ଲେହ ଓ ଲଦାଖରେ ପ୍ରାୟ 12କୋଟିରୁ ଅଧିକ ଟଙ୍କାର କ୍ରୀଡା ପ୍ରକଳ୍ପର ଭିତ୍ତି ପ୍ରସ୍ତର ସ୍ଥାପନ କରିଛନ୍ତି । ଏହି କାର୍ଯ୍ୟକ୍ରମରେ ଲଦାଖର ଲେଫ୍ଟନାଣ୍ଟ ରାଜ୍ୟପାଳ ଆରକେ ମାଥୁର ଉପସ୍ଥିତ ରହିଥିଲେ ।

ଲେହରେ ଏକ ଖୋଲା ଷ୍ଟାଡିୟମରେ ସିନ୍ଥେଟିକ ଟ୍ରାକ, ଫୁଟବଲ ଟୁର୍ଣ୍ଣାମେଣ୍ଟ ପାଇଁ ଭିତ୍ତିଭୁମି କାର୍ଯ୍ୟର ଶୁଭାରମ୍ଭ କରିଛନ୍ତି । ଏହି ପ୍ରକଳ୍ପର ବ୍ୟୟ ଅଟକଳ ପ୍ରାୟ 10.68 କୋଟି ରହିଥିବାବେଳେ, ଜାନୁଆରୀ 2021 ସୁଦ୍ଧା ଶେଷ କରିବାକୁ ଲକ୍ଷ୍ୟ ଧାର୍ଯ୍ୟ ହୋଇଛି । ସେହିପରି, 1.52 କୋଟିରେ ଏଲଡିଏସ ଇଣ୍ଡୋର ଷ୍ଟାଡିୟମରେ ଜିମ୍ନାଜିମ ହଲ୍ ନିର୍ମାଣ ପାଇଁ କାର୍ଯ୍ୟ ଆରମ୍ଭ ହୋଇଛି । ଏହା ମାର୍ଚ୍ଚ 2021 ସୁଦ୍ଧା ଶେଷ ପାଇଁ ଧାର୍ଯ୍ୟ ହୋଇଛି ।

ବ୍ୟୁରୋ ରିପୋର୍ଟ, ଇଟିଭି ଭାରତ