ଭୁବନେଶ୍ବର: ଓଡିଆ ତାରକା ଭାରୋତ୍ତୋଳନକାରୀ ଝିଲ୍ଲୀ ଦଳ ବେହେରାଙ୍କୁ ସମ୍ମାନଜନକ ଏକଲବ୍ୟ ପୁରସ୍କାରରେ ସମ୍ମାନିତ କରାଯାଇଛି । ଦେଶର ପ୍ରସିଦ୍ଧ କୁସ୍ତିଯୋଦ୍ଧା ବବିତା ଫୋଗାଟ ମୁଖ୍ୟ ଅତିଥି ଭାବେ ଯୋଗ ଦେଇ ଏହି ସମ୍ମାନ ପ୍ରଦାନ କରିଛନ୍ତି । ଏଥିସହିତ ଫୁଟବଲ ଖେଳାଳି ଜବାମଣି ଟୁଡୁ ଓ ମହିଳା ହକି ଖେଳାଳି ନମିତା ଟପ୍ପୋଙ୍କୁ ସାଇଟେସନ ପ୍ରଦାନ କରାଯାଇଛି ।
2019 ଏକଲବ୍ୟ ପୁରସ୍କାର ପ୍ରଦାନ ଉତ୍ସବ
ରାଜ୍ୟରେ ବିନା ସରକାରୀ ପ୍ରୋତ୍ସାହନରେ ଦିଆଯାଉଥିବା ସବୁଠାରୁ ବଡ଼ କ୍ରୀଡା ପୁରସ୍କାର ହେଉଛି ଏକଲବ୍ୟ ପୁରସ୍କାର । କ୍ରୀଡାକ୍ଷେତ୍ରରେ ଉଲ୍ଲେଖନୀୟ ପ୍ରଦର୍ଶନ ପାଇଁ ଏହି ପୁରସ୍କାର ପ୍ରଦାନ କରାଯାଏ । ଏହି ପୁରସ୍କାର ବାବଦକୁ 1ଲକ୍ଷ ଟଙ୍କା, ସିଲ ଓ ମାନପତ୍ର ପ୍ରଦାନ କରାଯାଇଥାଏ । ସାଇଟେସନ ପ୍ରାପକଙ୍କୁ 50 ହଜାର ଟଙ୍କା ଓ ଅର୍ଥ ରାଶି ପ୍ରଦାନ କରାଯାଇଥାଏ ।