ଓସଜେକ(କ୍ରୋଏସିଆ):ଭାରତୀୟ ଷ୍ଟାର ସୁଟର ମନୁ ଭାକର ଓ ସୌରଭ ଚୌଧୁରୀ ଓସଜେକରେ ଚାଲିଥିବା ଚଳିତ ISSF ବିଶ୍ବକପରେ ରୌପ୍ୟ ପଦକରେ ସନ୍ତୁଷ୍ଟ ହୋଇଛନ୍ତି । ଟୁର୍ଣ୍ଣାମେଣ୍ଟର 10 ମିଟର ଏୟାର ପିସ୍ତଲ ମିକ୍ସଡ ଟିମ ଇଭେଣ୍ଟରେ ମନୁ ଓ ସୌରଭ ରୁଷିଆନ ଟିମ ଠାରୁ 12-16ରେ ପରାସ୍ତ ହୋଇଛନ୍ତି । ସ୍ପୋର୍ଟ୍ସ ଅଥରିଟି ଅଫ ଇଣ୍ଡିଆ ଉଭୟ ଖେଳାଳିଙ୍କୁ ଶୁଭେଚ୍ଛା ଜଣାଇଛି ।
ଏହାପୂର୍ବରୁ ଶୁକ୍ରବାର, ଭାରତୀୟ ମହିଳା 10 ମିଟର ଏୟାର ପିସ୍ତଲ ଟିମ ହଙ୍ଗେରୀକୁ 16-12ରେ ହରାଇ ବ୍ରୋଞ୍ଚ ପଦକ ବିଜେତା ହୋଇଥିଲା । ଏହା ଭାରତର ଦ୍ବିତୀୟ ପଦକ ଥିଲା ।