ନୂଆଦିଲ୍ଲୀ:ସୋମବାର ଚଳିତ ISSF ସୁଟିଂ ବିଶ୍ବକପର ତୃତୀୟ ଦିନରେ ଭାରତୀୟ ସୁଟରଙ୍କ ପଦକ ବିଜୟ ଅଭିଯାନ ଜାରି ରହିଛି । 10 ମିଟର ମିକ୍ସଡ ଏୟାର ରାଇଫଲ ଇଭେଣ୍ଟରେ ଦୁଇ ଭାରତୀୟ ଷ୍ଟାର ସୁଟର ଦିବ୍ୟାଂଶ ସିଂହ ପାନୱାର ଓ ଇଲାଭେନିଲ ଭଲାରିଭନ ଚମତ୍କାର ପ୍ରଦର୍ଶନ ସହ ସ୍ବର୍ଣ୍ଣ ପଦକ ବିଜେତା ହୋଇଛନ୍ତି ।
ଭାରତୀୟ ଯୋଡି ସ୍ବର୍ଣ୍ଣ ପଦକ ମ୍ୟାଚରେ ମୋଟ 16 ପଏଣ୍ଟ ହାସଲ କରିଥିଲେ । ମାତ୍ର ବିଶ୍ବ ମାନ୍ୟତାର ଏକ ନମ୍ବର ସ୍ଥାନରେ ଥିବା ହଙ୍ଗେରୀ ଖେଳାଳି ଇଷ୍ଟଭନ ପେନି ଓ ଇସଜଟର ଡେନିସ 10 ପଏଣ୍ଟରେ ସୀମିତ ରହିଥିଲେ । ଏହା ଚଳିତ ପ୍ରତିଯୋଗୀତାରେ ଭାରତର 4ର୍ଥ ସ୍ବର୍ଣ୍ଣ ପଦକ ।