ହାଇଦ୍ରାବାଦ:ଚଳିତ ISSF ଜୁନିଅର ବିଶ୍ବ ଚମ୍ପିଆନସିପ୍ରେ ଭାରତୀୟ ଷ୍ଟାର ସୁଟର ମନୁ ଭାକରଙ୍କ ଦମଦାର ପ୍ରଦର୍ଶନ । ପ୍ରତିଯୋଗିତାରେ ଦ୍ବିତୀୟ ସ୍ବର୍ଣ୍ଣ ପଦକ ଜିତିଛନ୍ତି ମନୁ । ମିକ୍ସଡ ଟିମ ଇଭେଣ୍ଟରେ ସରବଜୋତ ସିଂହଙ୍କ ସହ ମିଶି ସ୍ବର୍ଣ୍ଣ ହାତେଇଛନ୍ତି ମନୁ ।
ଅଲ୍ ଇଣ୍ଡିଆ ଗୋଲ୍ଡ ମେଡାଲ ମ୍ୟାଚ୍ରେ ମନୁ ଓ ସରବଜୋତଙ୍କ ଯୋଡି ନବୀନ ଓ ଶିଖା ନରୱାଲଙ୍କୁ ୧୬-୧୨ରେ ହରାଇଛନ୍ତି । ମନୁ ଭାକର ଭାଗ ନେଇଥିବା ଦ୍ବିତୀୟ ମ୍ୟାଚ୍ରୁ ଏହା ଦ୍ବିତୀୟ ସ୍ବର୍ଣ୍ଣ ପଦକ । ପ୍ରତିଯୋଗିତାରେ ଆହୁରି ୩ଟି ଇଭେଣ୍ଟରେ ଅଂଶଗ୍ରହଣ କରିବେ ମନୁ ।
ଯୋଗ୍ୟତା ପର୍ଯ୍ୟାୟ ରାଉଣ୍ଡରେ ୩୮୬ ପଏଣ୍ଟ ସହ ଯୋଗ୍ୟତା ଅର୍ଜନ କରିଥିଲେ ମନୁ-ସରବଜୋତ ଯୋଡି । ସେହିପରି ଶିଖା-ନବୀନ ମୋଟ ୩୮୫ ପଏଣ୍ଟ ହାସଲ କରିଥିଲେ ।