ନୂଆଦିଲ୍ଲୀ: ଆମେରିକାରେ ଏକ ହାଇ ଜମ୍ପ୍ ପ୍ରତିଯୋଗିତାରେ ଚମକିଲେ ତେଜଶ୍ବିନୀ ଶଙ୍କର । ବିଗ 12 ଆଉଟଡୋର ଟ୍ରାକ ଫିଲ୍ଡ ଚମ୍ପିଆନସିପରେ ତେଜଶ୍ବିନୀ ସ୍ବର୍ଣ୍ଣ ପଦକ ହାସଲ କରିବାକୁ ସକ୍ଷମ ହୋଇଛନ୍ତି । 22 ବର୍ଷୀୟ ଆଥଲେଟ୍ ତେଜଶ୍ବିନୀ ଶଙ୍କର 2.28 ମିଟର ଉଚ୍ଚ ବାର୍ ଡେଇଁ ଏହି ସଫଳତା ହାସଲ କରିଛନ୍ତି । ତେବେ ଟୋକିଓ ଓଲମ୍ପିକ୍ସ ପାଇଁ ଯୋଗ୍ୟତା ହାସଲରୁ ବଞ୍ଚିତ ହୋଇଛନ୍ତି ଏହି ଆଥଲେଟ୍ ।
ଟୋକିଓ ଅଲମ୍ପିକ୍ସରେ ଯୋଗ୍ୟତା ହାସଲ କରିବା ପାଇଁ 2.28 ମିଟର ଉଚ୍ଚ ବାର୍ ଡେଇଁବା ଆବଶ୍ୟକ ଥିଲା । 2019ର ବିଗ 12 ଆଉଟଡୋର ଟ୍ରାକ ଫିଲ୍ଡ ଚମ୍ପିଆନସିପରେ ମଧ୍ୟ ତେଜଶ୍ବିନୀ ସ୍ବର୍ଣ୍ଣ ପଦକ ହାସଲ କରିବାକୁ ସକ୍ଷମ ହୋଇଥିଲେ । ତେବେ 2020ରେ ମହାମାରୀ କୋରୋନା ଯୋଗୁଁ ଏହି ଚମ୍ପିଆନସିପକୁ ବାତିଲ କରାଯାଇଥିଲା ।