ବେଲଗ୍ରେଡ: କୁସ୍ତି ବିଶ୍ବକପରେ ଭାରତରେ ଚମକିଲେ କୁସ୍ତିଯୋଦ୍ଧା ଅଂଶୁ ମଲିକ । ମହିଳା 57 କିଲୋଗ୍ରାମ ବର୍ଗରେ ରୌପ୍ୟ ପଦକ ଜିତି ଦେଶ ପାଇଁ ଗୌରବ ଆଣିଛନ୍ତି ଅଂଶୁ । ଏଥିସହ ଏକମାତ୍ର ଭାରତୀୟ ମହିଳା କୁସ୍ତିଯୋଦ୍ଧା ଭାବେ ବ୍ୟକ୍ତିଗତ ବିଶ୍ବକପ ଇଭେଣ୍ଟରେ ଏହି ସଫଳତା ହାସଲ କରିଛନ୍ତି ।
ବୁଧବାର ରାତିରେ ଖେଳାଯାଇଥିବା ମ୍ୟାଚରେ ଅଳ୍ପକେ ସ୍ବର୍ଣ୍ଣ ପଦକରୁ ବଞ୍ଚିତ ହୋଇଥିଲେ ଅଂଶୁ । ମୋଲଦୋଭାର ଅନସ୍ତସିଆଙ୍କ ଠାରୁ 1-5ରେ ପରାସ୍ତ ହେଇଛି ରୌପ୍ୟରେ ସନ୍ତୁଷ୍ଟ ହୋଇଥିଲେ । ଏହା ପୂର୍ବରୁ ଜୁନିୟର ରାଙ୍କରୁ ଆସିଥିବା ଅଂଶୁ ଏକାଧିକ ସିନିୟର ଲେଭଲ ଟୁର୍ଣ୍ଣାମେଣ୍ଟରେ ମେଡାଲ ବିଜେତା ରହିଛନ୍ତି ।