ଦୁବାଇ:ଭାରତୀୟ ମହିଳା ବକ୍ସର ASBC ଏସିଆନ ବକ୍ସିଂ ଚମ୍ପିଆନସିପ 2021 ଅଭିଯାନ ଶେଷ କରିଛନ୍ତି । ରବିବାର ମୋଟ 10 ପଦକ ସହ ଅଭିଯାନ ଶେଷ କରିଛି ଭାରତୀୟ ମହିଳା ବକ୍ସିଂ ଟିମ । ଏଥିରେ ଗୋଟିଏ ସ୍ବର୍ଣ୍ଣ, 3ଟି ରୌପ୍ୟ ଓ 6ଟି ବ୍ରୋଞ୍ଜ ପଦକ ସାମିଲ ରହିଛି ।
ବକ୍ସର ପୂଜା ରାନୀ 75 କିଲୋଗ୍ରାମ ବର୍ଗରେ ସଫଳତାର ସହ ନିଜର ଟାଇଟେଲ ବଜାୟ ରଖିଛନ୍ତି । ଉଜବେକିସ୍ତାନ ବକ୍ସର ମାରିନା ଭୋଲନଭାଙ୍କୁ ହରାଇ ଏସିଆନ ଚମ୍ପିଆନସିପରେ ଦ୍ବିତୀୟ ସ୍ବର୍ଣ୍ଣ ପଦକ ହାସଲ କରିଛନ୍ତି । ଫଳରେ 2019ରେ ସ୍ବର୍ଣ୍ଣ, 2012ରେ ରୌପ୍ୟ ଓ 2015ରେ ବ୍ରୋଞ୍ଜ ପରେ ଚମ୍ପିଆନସିପରେ ଏହା ପୂଜାଙ୍କ 4ର୍ଥ ପଦକ । ଅନ୍ୟପଟେ 51 କିଲୋଗ୍ରମ ବର୍ଗରେ ମେରୀକମ, 64 କିଲୋଗ୍ରାମ ବର୍ଗରେ ଲାଲବୁଆଟସାହି ଓ 81+ କିଲୋଗ୍ରାମ ବର୍ଗରେ ଅନୂପମା ନିଜର ଫାଇନାଲ ମୁକାବିଲାରେ ଅଳ୍ପକେ ବିଜୟରୁ ବଞ୍ଚିତ ହେବାସହ ରୌପ୍ୟ ପଦକରେ ସନ୍ତୁଷ୍ଟ ହୋଇଛନ୍ତି ।