ଆଦ୍ରିଆଟିକ ପର୍ଲ ବକ୍ସିଂ: ଶେଷ ଦିନରେ ସ୍ବର୍ଣ୍ଣ ଜିତିଲେ ଅରୁନ୍ଧତୀ, ନାଓରେମ

5ଟି ସ୍ବର୍ଣ୍ଣ, 3ଟି ରୌପ୍ୟ ଓ ଦୁଇଟି କାଂସ୍ୟ ପଦକ ସହ ଆଦ୍ରିଆଟିକ ପର୍ଲ ବକ୍ସିଂ ଟୁର୍ଣ୍ଣାମେଣ୍ଟରେ ଭାରତର ଅଭିଯାନ ଶେଷ ହୋଇଛି । ଅଧିକ ପଢନ୍ତୁ...

ନୂଆଦିଲ୍ଲୀ:ଆଦ୍ରିଆଟିକ ପର୍ଲ ବକ୍ସିଂ ଟୁର୍ଣ୍ଣାମେଣ୍ଟରେ ଭାରତର ଅଭିଯାନ ଶେଷ ହୋଇଛି । ମୋଟ 5ଟି ସ୍ବର୍ଣ୍ଣ ସହ, 3ଟି ରୌପ୍ୟ ଓ ଦୁଇଟି କାଂସ୍ୟ ପଦକରେ ଭାରତ ସନ୍ତୁଷ୍ଟ ହୋଇଛି ।

ଶେଷ ଦିନରେ 69 କିଲୋଗ୍ରାମ ବର୍ଗରେ ଅରୁନ୍ଧତୀ ଚୌଧୁରୀ ଓ 51 କିଲୋଗ୍ରାମ ବର୍ଗରେ ନାଓରେମ ବାବିରୋଜିସାନା ଚାନୁ ସ୍ବର୍ଣ୍ଣରେ ଚମକିଛନ୍ତି । ଏଥିସହ ଭାରତୀୟ ମହିଳା ଟିମ ଟୁର୍ଣ୍ଣାମେଣ୍ଟର ଶ୍ରେଷ୍ଠ ଟିମ ହେବାସହ ଟ୍ରଫି ବିଜେତା ହୋଇଛି ।

ବାବିରୋଜିସାନା, ଉଜବେକିସ୍ତାନର ସବିନା ବାବୋକୁଲୋଭାଙ୍କୁ ହରାଇଥିବାବେଳେ, ଅରୁନ୍ଧତୀ ଉକ୍ରେନର ମାରିନା ଷ୍ଟୋଇକୋଙ୍କୁ ଫାଇନାଲରେ ପରାସ୍ତ କରିଥିଲେ । ତେବେ 64 କିଲୋଗ୍ରାମ ବର୍ଗରେ ଲକି ରାଣା ଫିନଲାଣ୍ଡର ଲିଆ ପୁକଲାଙ୍କ ଠାରୁ ହାରିବା ସହ ରୌପ୍ୟରେ ସନ୍ତୁଷ୍ଟ ହୋଇଛନ୍ତି ।

ବ୍ୟୁରୋ ରିପୋର୍ଟ, ଇଟିଭି ଭାରତ