ନାଇରୋବୀ: ୨୦ ବର୍ଷୀୟ ଆଥଲେଟିକ୍ସ ବିଶ୍ବ ଚମ୍ପିଆନସିପରେ ଭାରତୀୟ ମିକ୍ସ ଡବଲ୍ସ ଦଳ ଫାଇନାଲରେ ପ୍ରବେଶ କରିଛି । ବୁଧବାର 4x400 ମିଟର ରିଲେ ରେସ୍ ଇଭେଣ୍ଟରେ ଭାରତୀୟ ଦଳ ଦମଦାର ପ୍ରଦର୍ଶନ କରିଛି । ଭାରତ ପକ୍ଷରୁ ଏହି ଇଭେଣ୍ଟରେ ଅବଦୁଲ ରଜାକ୍, ପିୟା ମୋହନ,ସମ୍ମି ଓ କପିଲ୍ ଭାଗ ନେଇଥିଲେ । ୩.୨୩ ସେକେଣ୍ଡରେ ଏହି ଫିନିସ ଲାଇନ୍ ପାର୍ କରିଥିଲେ ଭାରତୀୟ ଆଥଲେଟ । ଏହାକୁ ନେଇ ଭାରତୀୟ ଆଥଲେଟିକ୍ସ ଫେଡେରେସନ ପକ୍ଷରୁ ଟ୍ବିଟ୍ କରି ସୂଚନା ଦିଆଯାଇଛି ।
ବିଶ୍ବ ରେକର୍ଡରୁ ଅଳ୍ପକେ ବର୍ତ୍ତି ଯାଇଛନ୍ତି ଭାରତୀୟ ଆଥଲେଟ । କାରଣ ନାଇଜେରିଆର ଆଥଲେଟ ଏହି ଟ୍ରାକକୁ ୩.୨୧ ସେକେଣ୍ଡରେ ପୂରଣ କରିଥିଲେ । ଦ୍ବିତୀୟ ହିଟରେ ନାଇଜେରିଆ ଦଳ ଭାରତଠାରୁ ଲଗାତାର ଆଗୁଆ ରହିଥିଲା । ବୁଧବାର ସନ୍ଧ୍ୟାରେ ଏହି ଇଭେଣ୍ଟର ଫାଇନାଲ ମ୍ୟାଚ ଆରମ୍ଭ ହେବ ।