ବରଗଡ: ଦେଶର ତାରକା ପାରାବ୍ୟାଡ୍ମିଣ୍ଟନ ଖେଳାଳି ପ୍ରମୋଦ ଭଗତ ଅର୍ଜୁନ ପୁରସ୍କାର ପାଇବା ପରେ ପ୍ରଥମ ଥର ନିଜ ଜନ୍ମମାଟି ଅତାବିରାରେ ପହଞ୍ଚିଛନ୍ତି | ଏହି ଖବର ପାଇ ସ୍ଥାନୀୟ ବାସିନ୍ଦାଙ୍କ ମନରେ ଖୁସିର ଲହରି ଖେଳିଯାଇଥିଲା | ପ୍ରମୋଦଙ୍କୁ ଭେଟିବା ପାଇଁ ସ୍ଥାନୀୟ ଲୋକଙ୍କ ଖୁବ ଭିଡ ଜମିଥିଲା |
ଭିଡିଓ ସୌଜନ୍ୟ: ସମ୍ବାଦଦାତା ବରଗଡ
ରାଜ୍ୟ ତଥା ଦେଶର ଗୌରବ ପ୍ରମୋଦଙ୍କୁ ସମ୍ବଲପୁରରେ ଶହଶହ ଲୋକେ ଅପେକ୍ଷା କରି ରହିଥିଲେ । ଜନ୍ମମାଟିରେ ପହଞ୍ଚିବା ପରେ ତାଙ୍କୁ ସ୍ଵାଗତ ଜଣାଇ ସମ୍ବଲପୁର ଠାରୁ ଅତାବିରା ପର୍ଯ୍ୟନ୍ତ ଏକ ବାଇକ ଶୋଭାଯାତ୍ରାରେ ପାଛୋଟି ନିଆଯାଇଥିଲା | ପ୍ରମୋଦ ଅତାବିରାରେ ପହଞ୍ଚି ପ୍ରଥମେ ମନ୍ଦିରକୁ ଯାଇ ମା ଦୂର୍ଗାଙ୍କୁ ଦର୍ଶନ କରିଥିଲେ | ସେଠାରେ ଅତାବିରା NAC ଓ ସ୍ଥାନୀୟ ବିଭିନ୍ନ ସଂଗଠନ ପକ୍ଷରୁ ସମ୍ବର୍ଦ୍ଧନା ଦିଆଯାଇଥିଲା ।