ନୂଆଦିଲ୍ଲୀ:ଭାରତର 75ତମ ସ୍ବାଧୀନତା ଦିବସ ଅବସରରେ ବିଭିନ୍ନ ବିଭାଗର କ୍ରୀଡ଼ାବିତ୍ମାନେ ଟୁଇଟ୍ ମାଧ୍ୟମରେ ଶୁଭେଚ୍ଛା ଜଣାଇଛନ୍ତି । ପତାକା ସାଥିରେ ନେଇ ସାରା ବିଶ୍ବରେ ପ୍ରତିନିଧିତ୍ବ କରିବା ସେମାନଙ୍କ ପାଇଁ କଣ ଗୁରୁତ୍ବ ରଖେ ସେନେଇ ଏହି ପବିତ୍ର ଦିନରେ ଖେଳାଳିମାନେ ବଖାଣିଛନ୍ତି ।
ବକ୍ସର ମେରୀ କମ, ପୂର୍ବତନ କ୍ରିକେଟର ସଚିନ ତେନ୍ଦୁଲକର, ବିରେନ୍ଦ୍ର ସେହ୍ବାଗ ଓ ଭିଭିଏସ ଲକ୍ଷ୍ମଣଙ୍କ ସମେତ ଅନେତ ଖେଳାଳି ଭାରତର 75 ତମ ସ୍ବାଧୀନତା ଦିବସର ଶୁଭେଚ୍ଛା ଜଣାଇଛନ୍ତି । ମେରୀ କମ୍ ଲାଲକିଲ୍ଲାରେ ସ୍ବାଧିନତା ଦିବସ ସମାରୋହରେ ଉପସ୍ଥିତ ରହିଥିଲେ। ହକି କ୍ୟାପଟେନ ମନପ୍ରୀତ ସିଂହ, ରାନୀ ରାମପାଲ, ପିଭି ସିନ୍ଧୁ, ନୀରଜ ଚୋପ୍ରା, ଲଭଲିନା ବୋର୍ଗହେନ ଓ ଅନ୍ୟ ଖେଳାଳିମାନେ ମଧ୍ୟ ଉପସ୍ଥିତ ଥିଲେ ।