କାମ୍ପାଲା(ଉଗାଣ୍ଡା): ଉଗାଣ୍ଡା ପାରା-ବ୍ୟାଡ୍ମିଣ୍ଟନ ଇଣ୍ଟରନ୍ୟାସନାଲ ଇଭେଣ୍ଟରେ ଭାରତୀୟ ପାରା-ବ୍ୟାଡମିଣ୍ଟନ ଟିମର ଜବରଦସ୍ତ ପ୍ରଦର୍ଶନ । ମୋଟ ୪୭ ପଦକ ସହ ଅଭିଯାନ ଶେଷ କରିଛି ଭାରତ । ଏଥିରେ ୧୬ଟି ସ୍ବର୍ଣ୍ଣ, ୧୪ଟି ରୌପ୍ୟ ଓ ୧୭ଟି ବ୍ରୋଞ୍ଜ ପଦକ ସାମିଲ ରହିଛି ।
ଟୋକିଓ ପାରାଲମ୍ପିକ୍ ସ୍ବର୍ଣ୍ଣ ବିଜେତା ପ୍ରମୋଦ ଭଗତ ପୁରୁଷ SL3 ଇଭେଣ୍ଟରେ ରୌପ୍ୟ, ପୁରୁଷ ଡବଲ୍ସ SL3-SL4 ଇଭେଣ୍ଟରେ ମନୋଜ ସରକାରଙ୍କ ସହିତ ରୌପ୍ୟ ପଦକ ଓ ପଲକ କୋହଲିଙ୍କ ସହ ମିକ୍ସଡ ଡବଲ୍ସ SL3-SU5 ଇଭେଣ୍ଟରେ ରୌପ୍ୟ ପଦକରେ ସନ୍ତୁଷ୍ଟ ହୋଇଛନ୍ତି ।