ନୂଆଦିଲ୍ଲୀ: ସେପ୍ଟେମ୍ବର 7 ତାରିଖରେ କିଙ୍ଗସ କପ ଫୁଟବଲ ସେମିଫାଇନାଲ ମୁକାବିଲା ଅନୁଷ୍ଠିତ ହେବ । ଭାରତ ବନାମ ଇରାକ, ଥାଇଲାଣ୍ଡ ବନାମ ଲେବାନନ ମଧ୍ୟରେ 49ତମ କିଙ୍ଗ କପ ଫୁଟବଲ ସେମିଫାଇନାଲ ପ୍ରତିଯୋଗିତା ଅନୁଷ୍ଠିତ ହେବ । ଏହି ସେମିଫାଇନାଲ ଲାଗି ଡ୍ର ଉଠାଣରେ ଏହା ସ୍ଥିର ହୋଇଛି । ସେପ୍ଟେମ୍ବର 10 ତାରିଖରେ ଫାଇନାଲ ମ୍ୟାଚ ଖେଳାଯିବ ।
ସେପ୍ଟେମ୍ବର 7 ତାରିଖରେ ଥାଇଲାଣ୍ଡର ଚିଆଙ୍ଗ ମାଇଠାରେ ଥିବା 700 ଆନିଭର୍ସାରୀ ଷ୍ଟାଡିୟମରେ ଭାରତ ବନାମ ଇରାକ ମଧ୍ୟରେ ପ୍ରଥମ ସେମିଫାଇନାଲ ଓ ଆୟୋଜକ ଥାଇଲାଣ୍ଡ ଓ ଲେବାନନ ମଧ୍ୟରେ ଦ୍ବିତୀୟ ସେମିଫାଇନାଲ ମ୍ୟାଚ ଖେଳାଯିବ । ଦୁଇ ବିଜୟୀ ଦଳ ମଧ୍ୟରେ ସେପ୍ଟମ୍ବର 10 ତାରିଖରେ ଫାଇନାଲ ଫାଇଟ ଖେଳାଯିବ । ପରାଜିତ ଦଳ ମଧ୍ୟରେ ତୃତୀୟ ସ୍ଥାନ ପାଇଁ ମୁକାବିଲା ହେବ । ଏହି ସମ୍ମାନଜନକ ପ୍ରତିଯୋଗିତାରେ ଭାରତ ଚତୁର୍ଥ ଥର ପାଇଁ ଅଂଶ ଗ୍ରହଣ କରିଛି । ଏହାପୂର୍ବରୁ 3 ଥର ଭାରତ କାଂସ୍ୟ ପଦକ ହାସଲ କରିଛି । ଶେଷ ଥର 2019ରେ ଥାଇଲାଣ୍ଡକୁ ହରାଇ ବ୍ରୋଞ୍ଚ ପଦକ ଜିତିଥିଲା ।
1977ରେ ପ୍ରଥମ ଥର ଅଂଶଗ୍ରହଣ କରିଥିଲା । 1981ରେ ଗ୍ରୁପ ପର୍ଯ୍ୟାୟରୁ ବାଦ ପଡିଥିଲା । ଏହି ଟୁର୍ଣ୍ଣାମେଣ୍ଟରେ ଫିଫା ମାନ୍ୟତା ଭାରତ ସର୍ବାଧିକ ମାନ୍ୟତା ଦଳ । ଇରାକ 70 ଓ ଲେବାନନ 100ତମ ସ୍ଥାନରେ ରହିଥିବା ବେଳେ ଆୟୋଜକ ଥାଇଲାଣ୍ଡ ସର୍ବନିମ୍ନ ମାନ୍ୟତା ଦଳ । ଫିଫା ମାନ୍ୟତାରେ ଥାଇଲାଣ୍ଡର 113ତମ ରାଙ୍କ ରହିଛି । ଫିପା ମାନ୍ୟତାରେ ଭାରତ 99ତମ ସ୍ଥାନରେ ରହିଛି ।