ହାଇଦ୍ରାବାଦ:ଆଜିଠୁ(ଅକ୍ଟୋବର ୨୮) ଆରମ୍ଭ ହୋଇଛି FIH ପ୍ରୋ ଲିଗ ହକିର ଚତୁର୍ଥ ସଂସ୍କରଣ । ଆସନ୍ତାବର୍ଷ(୨୦୨୩) ଜୁଲାଇ ୫ ତାରିଖ ପର୍ଯ୍ୟନ୍ତ ଏହି ସମ୍ମାନଜନକ ପ୍ରତିଯୋଗିତା ଖେଳାଯିବ । ୨୦୨୩ରେ ପୁରୁଷ ହକି ବିଶ୍ବକପ ଟୁର୍ଣ୍ଣାମେଣ୍ଟ ରହିଥିବାରୁ ପ୍ରସ୍ତୁତି ଦୃଷ୍ଟିରୁ ଏହି ସଂସ୍କରଣର ପ୍ରୋ ଲିଗର ପ୍ରତିଟି ମ୍ୟାଚ୍ ଗୁରୁତ୍ବପୂର୍ଣ୍ଣ ରହିଛି । ଭାରତ ସମେତ ଆର୍ଜେଣ୍ଟିନା, ଅଷ୍ଟ୍ରେଲିଆ, ବେଲଜିୟମ, ଜର୍ମାନୀ, ଗ୍ରେଟ ବ୍ରିଟେନ, ନେଦରଲାଣ୍ଡସ, ନ୍ୟୁଜିଲାଣ୍ଡ, ସ୍ପେନ ଭଳି ୯ଟି ଦେଶ ଏଥିରେ ଖେଳିବେ ।
ଏହି ୯ଟି ଦଳ ମଧ୍ୟରେ ୭୨ଟି ମ୍ୟାଚ୍ ୧୦ଟି ଭେନ୍ୟୁରେ ଖେଳାଯିବାର ସୂଚୀ ରହିଛି । ଏହି ଏଫଆଇଏଚ ପ୍ରୋ ଲିଗ ମ୍ୟାଚ୍ ପାଇଁ ଓଡିଶାର ଦୁଇଟି ଷ୍ଟାଡିୟମ ସ୍ଥାନ ପାଇଛି । ଗୋଟିଏ ଭୁବନେଶ୍ବର କଳିଙ୍ଗ ଷ୍ଟାଡିୟମ ସ୍ଥାନ ପାଇଥିବା ବେଳେ ଅନ୍ୟଟି ରାଉରକେଲାର ଅନ୍ତର୍ଜାତୀୟ ବିର୍ସାମୁଣ୍ଡା ହକି ଷ୍ଟାଡିୟମ । ଭାରତ ଏହି ପ୍ରତିଯୋଗିତାରେ ମୋଟ ୧୬ଟି ମ୍ୟାଚ୍ ଖେଳିବ । ଅନ୍ୟ ୮ଟି ଦଳକୁ ଦୁଇ ଥର ଲେଖାଏଁ ଭାରତ ଭେଟିବ ।
ତେବେ ଜାଣନ୍ତୁ FIH ହକି ପ୍ରୋ ଲିଗରେ କେଉଁ ଦିନ କେଉଁ ଦିନ ଭାରତର ମ୍ୟାଚ ରହିଛି
ଅକ୍ଟୋବର ୨୮, ୨୦୨୨ : ଭାରତ ବନାମ ନ୍ୟୁଜିଲାଣ୍ଡ, କଳିଙ୍ଗ ଷ୍ଟାଡିୟମ, ଭୁବନେଶ୍ବର
ଅକ୍ଟୋବର ୩୦, ୨୦୨୨ : ଭାରତ ବନାମ ସ୍ପେନ, କଳିଙ୍ଗ ଷ୍ଟାଡିୟମ, ଭୁବନେଶ୍ବର
ନଭେମ୍ବର ୪, ୨୦୨୨ : ଭାରତ ବନାମ ନ୍ୟୁଜିଲାଣ୍ଡ, କଳିଙ୍ଗ ଷ୍ଟାଡିୟମ, ଭୁବନେଶ୍ବର
ନଭେମ୍ବର ୬, ୨୦୨୨ : ଭାରତ ବନାମ ସ୍ପେନ, କଳିଙ୍ଗ ଷ୍ଟାଡିୟମ, ଭୁବନେଶ୍ବର
ମାର୍ଚ୍ଚ ୧୦, ୨୦୨୩ : ଭାରତ ବନାମ ଜର୍ମାନୀ, ବିର୍ସାମୁଣ୍ଡା ଅନ୍ତର୍ଜାତୀୟ ହକି ଷ୍ଟାଡିୟମ, ରାଉରକେଲା
ମାର୍ଚ୍ଚ ୧୨, ୨୦୨୩ : ଭାରତ ବନାମ ଅଷ୍ଟ୍ରେଲିଆ, ବିର୍ସାମୁଣ୍ଡା ଅନ୍ତର୍ଜାତୀୟ ହକି ଷ୍ଟାଡିୟମ, ରାଉରକେଲା
ମାର୍ଚ୍ଚ ୧୩, ୨୦୨୩ : ଭାରତ ବନାମ ଜର୍ମାନୀ, ବିର୍ସାମୁଣ୍ଡା ଅନ୍ତର୍ଜାତୀୟ ହକି ଷ୍ଟାଡିୟମ, ରାଉରକେଲା
ମାର୍ଚ୍ଚ ୧୫, ୨୦୨୩ : ଭାରତ ବନାମ ଅଷ୍ଟ୍ରେଲିଆ, ବିର୍ସାମୁଣ୍ଡା ଅନ୍ତର୍ଜାତୀୟ ହକି ଷ୍ଟାଡିୟମ, ରାଉରକେଲା
ମେ ୨୬, ୨୦୨୩ : ଭାରତ ବନାମ ବେଲଜିୟମ, ଲି ଭେଲି ହକି ଏବଂ ଟେନିସ ସେଣ୍ଟର, ଲଣ୍ଡନ