ନୂଆଦିଲ୍ଲୀ: ପୁରୁଷ ଫିଫା ଫୁଟବଲ ମାନ୍ୟତାରେ ଭାରତୀୟ ଦଳ ଗୋଟିଏ ସ୍ଥାନ ଉପରକୁ ଉଠିଛି । ସଦ୍ୟ ପ୍ରକାଶିତ ଫିଫା ତାଲିକାରେ 5 ବର୍ଷ ପରେ ଟପ 100ରେ ରହିଛି । 99ତମ ସ୍ଥାନ ଉପରକୁ ଉଠିଛି ସୁନୀଲ ଛେତ୍ରୀଙ୍କ ନେତୃତ୍ବାଧୀନ ଭାରତୀୟ ଫୁଟବଲ ଦଳ । ଜୁନ 29ରେ ପ୍ରକାଶିତ ଫିଫା ମାନ୍ୟତା ତାଲିକାରେ ଭାରତ 101ରୁ 100ରୁ ଉତୀର୍ଣ୍ଣ ହୋଇଥିଲା । ଏବେ 5 ବର୍ଷ ପରେ 99ତମ ସ୍ଥାନକୁ ଉଠି ଟପ୍ 100ରେ ରହିଛି ଭାରତ ।
ଦୀର୍ଘ 5 ବର୍ଷ ପରେ ଭାରତୀୟ ପୁରୁଷ ଫୁଟବଲ ଦଳ ଫିଫା ମାନ୍ୟତାରେ ଶୀର୍ଷ 100ରେ ପହଞ୍ଚିଛି । ବିଶ୍ବ ଫୁଟବଲ ସର୍ବୋଚ୍ଚ ସଂସ୍ଥା ଫିଫା ପକ୍ଷରୁ ପ୍ରକାଶିତ ରାକିଂରେ ଭାରତ ଉପରକୁ ଉଠି 99ତମ ସ୍ଥାନରେ ପହଞ୍ଚିଛି । ବର୍ତ୍ତମାନ ଭାରତ ରେଟିଂ ପଏଣ୍ଟ 1208.69 ରହିଛି । ସାଫ ଚମ୍ପିଆନ ହେବା ପରେ ଭାରତ ମାନ୍ୟତାରେ ଏହି ବୃଦ୍ଧି ହୋଇଛି । 2018 ପରେ ଭାରତର ଏହା ଶ୍ରେଷ୍ଠ ମାନ୍ୟତା ।
1996ରେ ଭାରତ ଫିଫା ମାନ୍ୟତା ତାଲିକାରେ 94ତମ ସ୍ଥାନରେ ରହିଛି । ଏହା ପରଠୁ ଭାରତ ଆଉ ଟପ 100ରେ ରହି ନଥିଲା । ମାତ୍ର ଦଳ ଯେଉଁଭଳି ଭାବେ ପ୍ରଦର୍ଶନ କରୁଛି ଭାରତୀୟ ଫୁଟବଲ ଦଳର ଏକ ଉଜ୍ବଳ ଭବିଷ୍ୟତ ଦେଖାଯାଉଛି । ଆର୍ଜେଣ୍ଟିନା ପୂର୍ବ ଭଳି ପ୍ରଥମ ସ୍ଥାନରେ ରହିଛି । ଦ୍ବିତୀୟରେ ଫ୍ରାନ୍ସ, ତୃତୀୟରେ ବ୍ରାଜିଲ ଓ ଚତୁର୍ଥରେ ଇଂଲଣ୍ଡ ରହିଛି ।